खोपोली / मानसी कांबळे :- सुभाषनगर जयंती उत्सव कमिटीच्या वतीने भारतरत्न डॉं. बाबासाहेब आंबेडकर यांची 134 वी जयंती डॉं. बाबासाहेब आंबेडकर भवन सुभाषनगर येथे मोठ्या उत्साहात साजरी करण्यात आली. डॉं. बाबासाहेब आंबेडकर यांना अभिवादन करीत महापुरुषांच्या प्रतिमेचे पुजन करण्यात आले. सुरूवातीला दिप प्रज्वलन तसेच सुगंध पुजन करीत उपासक शैलेश ओव्हाळ आणि उपासिका भावना ओव्हाळ यांनी धम्मपूजा केली. यावेळी माजी नगरसेवक मंगेश दळवी, माजी नगरसेवक नितीन मोरे, सामाजिक कार्यकर्ते संपत गाढवे, मिलिंद शिंदे, आनंद सोनवणे, पत्रकार फिरोज पिंजारी, जितू गेहलोद आदी उपस्थित होते.
यानंतर संध्याकाळी महिला व मुलांच्या करमणुकीसाठी सांस्कृतिक तसेच खेळांचे आयोजन करण्यात आले होते. यावेळी विविध क्षेत्रात कार्यरत असणाऱ्या प्रमुख पाहुण्यांना शाल आणि पुष्पगुच्छ देत सत्कार करण्यात आला. माजी नगरसेवक मंगेश दळवी, राष्ट्रवादी काँग्रेस पक्षाच्या युवा नेत्या शिवानी मंगेश दळवी, भावी नगरसेवक अल्पेश थरकुडे, उद्योजक गोकुळ सोनवणे, सामाजिक कार्यकर्ते संपत गाढवे, जयंती उत्सव कमिटीचे अध्यक्ष अशोक गिलबिले, उपाध्यक्ष शब्बीर शेख, उद्योजक इस्राईल मन्सुरी, फारूक शेख आदी उपस्थित होते.
महामानव भारतरत्न डॉं. बाबासाहेब आंबेडकर यांच्या जयंतीच्या पार्श्वभूमीवर MY KOKAN NEWS हे वेब पोर्टल सुरू केल्याबद्दल संपादिका मानसी गणेश कांबळे यांचा यावेळी विशेष सत्कार करण्यात आला. तसेच दै. कोकण प्रदेश न्यूजचे मुख्य संपादक फिरोज पिंजारी, सामाजिक कार्यकर्ते मिलिंद शिंदे, सूत्रसंचालक कृष्णा (बाबू) किलंजे, मंडप डेकोरेटर्स फरीद शेख, डिजे मालक सुखदेव बट्टेवार, सचिन सावंत, हर्षदा सावंत, मालन शिंगारे, मिना मांदळे, शितल शिंदे यांचा देखील सत्कार करण्यात आला.
सांस्कृतिक कार्यक्रमांमध्ये महिला तसेच मुला-मुलांनी मोठ्या संख्येत सहभाग घेतला. तसेच कृष्णा किलंजे यांनी कार्यक्रमाचे सुत्रसंचालन करीत महिलांसाठी होम मिनिस्टर खेळ पैठणीचा कार्यक्रम घेतला. यात प्रथम क्रमांक अक्षदा चेतन कांबळे, द्वितीय क्रमांक पूनम धुरिया, तृतीय क्रमांक कविता किरण गायकवाड यांनी मिळविला. लहान मुलांसाठी बेडूक उड्या मारणे, बादलीत बॉल टाकणे आदी खेळ घेण्यात आले. डॉं. बाबासाहेब आंबेडकर यांच्या जीवनावर आधारित भाषण, कविता, गायन, नृत्य देखील सादर करण्यात आले.
यशस्वीतेसाठी संतोष आत्माराम गायकवाड, संतोष नामदेव गायकवाड, गणेश कांबळे, गोकुळ सोनवणे, चेतन कांबळे, वामन शिंदे, केतन गणेश कांबळे, आकाश कांबळे, यश गायकवाड, प्रफुल्ल गायकवाड, किरण गायकवाड, शशिकांत सोनवणे, समाधान कांबळे, जावेद पटेल, युसुफ शेख, शाहरूख शेख यांच्यासह महिला आणि ग्रामस्थांनी परिश्रम घेतले.