ठाणे / अमित जाधव :- दिवा शहरातील केंब्रिज इंग्लिश हायस्कूलचे वार्षिक स्नेहसंमेलन मोठ्या उत्साहात आकांक्षा हॉल येथे संपन्न झाले. विद्यार्थ्यांच्या कलागुणांना वाव देण्यासाठी तसेच त्यांच्या आत्मविश्वासाला नवीन उंचीवर नेण्यासाठी आयोजित स्नेहसंमेलनात शाळेचे व्यवस्थापन, शिक्षक, पालक आणि विद्यार्थ्यांनी दिलेल्या सक्रिय सहभागामुळे हा सोहळा अधिक रंगतदार आणि संस्मरणीय बनला.
या कार्यक्रमाची सुरुवात मुख्याध्यापक आणि संयुक्त सचिव दीपक प्रसाद यांनी दीप प्रज्वलनाने केली. दीपाच्या प्रकाशात कार्यक्रम उजळून निघाला व सकारात्मक ऊर्जेचा संचार झाला. उद्घाटन सोहळ्यात अध्यक्ष व व्यवस्थापकीय संचालक संतोष राजेश पांडेय देखील उपस्थित होते. त्यांनी विद्यार्थ्यांना उज्ज्वल भविष्याच्या शुभेच्छा देत खेळ स्पर्धांतील विजेते आणि शैक्षणिक उत्कृष्टतेचे प्रतीक मानले गेले अशा विद्यार्थ्यांना पदक व ट्रॉफी देवून गौरव करण्यात आला. कोषाध्यक्ष रेनू राकेश प्रसाद यांनी प्रशस्तीपत्रे व पदके वाटप केली. त्यांच्या भाषणात त्यांनी नमूद केले की, शिक्षण, खेळ व कला हे तिघेही क्षेत्र विद्यार्थ्यांच्या सर्वांगीण विकासासाठी अत्यंत महत्वाचे आहेत.
कार्यक्रमाची सुरुवात पारंपारिक स्वागत नृत्याने झाली, त्यानंतर देशभक्तीवर आधारित नृत्य, नाटक सादर करण्यात आले, ज्यामुळे उपस्थित प्रेक्षकांच्या मनात देशप्रेमाची जाणीव जागृत झाली. विविध राज्यांचे लोकनृत्य, गरबा, भांगडा, लावणी अशा सादरीकरणांनी आधुनिक डान्स व हिप-हॉप डान्सच्या मिश्रणाने सादरीकरणाला नवीन रूप दिले. वार्षिक स्नेहसंमेलन आपल्या विद्यार्थ्यांच्या सर्वांगीण विकासाचा उत्सव आहे, असे मुख्याध्यापक दिपक प्रसाद यांनी स्पष्ट केले. तर सर्व शिक्षकांनी विद्यार्थ्यांच्या अथक परिश्रमाचे कौतुक केले आणि पालकांच्या सहकार्याबद्दल आभार मानले.
या विशेष कार्यक्रमात पर्यवेक्षक मौसमी टीचर, राहुल सर, मानसी टीचर, श्रद्धा टीचर, शुभम सर, जानवी सोनी, अंकिता टीचर, पूजा टीचर आणि आशा टीचर यांच्यासह सर्व शिक्षक व स्टाफने आपले अमूल्य योगदान दिले. शिक्षकांनी विद्यार्थ्यांच्या अथक परिश्रमाचे कौतुक केले आणि पालकांच्या सहकार्याबद्दल आभार मानले तर कार्यक्रमाचा समारोप राष्ट्रगीताने झाला.