* राष्ट्रवादी काँग्रेस पार्टी शरद पवार गटाची मागणी
बारामती / अक्षय कांबळे :- बारामती बस स्थानकामध्ये महिलांसाठी हिरकणी कक्ष चालू करावा, तसेच खाजगी ट्रॅव्हल वाल्यांचा लोकांना होणारा त्रास, व जो स्वारगेट बस स्थानकावर अनुचित प्रकार घडला तो पुन्हा इतर कोठे घडू नये. याकरीता सुरक्षा बंदोबस्त वाढविणे, कॉलेजच्या तसेच शाळेतील विद्यार्थ्यांसाठी शाळेच्या वेळेच्या एक ते दीड तास अगोदर व नंतर स्वतंत्र फक्त विद्यार्थ्यांसाठी बसची सुविधा करणे, बऱ्याच ठिकाणी बस थांबत नाहीत त्या ठिकाणी बस थांबे करणे याबाबत राष्ट्रवादी काँग्रेस पार्टी शरद पवार गटाकडून बारामतीचे वरिष्ठ आगारप्रमुख घोगरे व वाहतूक पोलिस निरीक्षक चंद्रशेखर यादव यांना निवेदन देण्यात आले.
दिशादर्शक बोर्ड तसेच हेल्पलाइन नंबर, हिरकणी खोलीला हिरकणी बोर्ड लावणे, महिला सिक्युरिटीमध्ये वाढ व शौचालय स्वच्छतेबाबत निवेदन देण्यात आले. या प्रसंगी बारामती तालुका राष्ट्रवादी काँग्रेस पार्टी महिला अध्यक्षा वनिता बनकर, शहर अध्यक्षा आरती शेंडगे, अमित तावरे, जयकुमार काळे, अस्लम तांबोळी, वृषाली बांदल, राणी नवले, नितीन तावरे, नामदेव (तात्या) मोरे, मनोज केंगार, राजेश जाधव, विठ्ठल करे, अजिंक्य वाघमोडे, चारुदत्त काळे, शहाजी जाधव, मनिषा ताई, रेश्मा शेंडगे, सुनीता झेंडे, स्मिता साबळे, माया खुंटे, वर्षा शिंदे, कल्पना परदेशी, रेश्मा शेंडगे, प्रियंका गव्हाळे, उषा शिंदे, भरते ताई, सुप्रिया शेंडगे, खाडे ताई, ममता जाधव आदी उपस्थित होते.