* उपमुख्यमंत्री एकनाथ शिंदे यांचे आश्वासन
ठाणे / अमित जाधव :- दिवा शहरातील १८ वर्ष जुन्या अनंत पार्क या रहिवासी सोसायटीवर उच्च न्यायालयाच्या निर्देशानंतर महापालिकेने कारवाईचा बडगा उगारल्यानंतर रहिवासी चांगलेच आक्रमक झाले असून कारवाईसाठी आलेल्या महानगर पालिकेच्या पथकाला रहिवाशांनी रस्त्यावर आंदोलन करून माघारी परतवले होते. बेघर व्हावे लागणार असल्याने रहिवासी चांगलेच हवालदिल झाल्याने आज रहिवाशांनी उपमुख्यमंत्री एकनाथ शिंदे यांची मंत्रालयात जाऊन भेट घेतली.
अनंत पार्क सोसायटीला नोटीस आल्यापासून शिवसेना या रहिवाशांसोबत आहे. काल महापालिकेला विरोध करण्यासाठी शिवसेना शहर प्रमुख रमाकांत मढवी यांच्या नेतृत्वात सर्व शिवसैनिक रस्त्यावर उतरून महापालिकेच्या कारवाईला विरोध दर्शविला होता. यावेळी खासदार डॉं. श्रीकांत शिंदे यांनी कारवाईसाठी आलेल्या अधिकाऱ्यांशी फोनवर चर्चा केल्यानंतर अखेर पालिकेला कारवाई थांबवावी लागली. १८ वर्ष जुन्या अनंत पार्क सोसायटीसंदर्भात कायदेशीर मार्ग काढण्याचे काम सुरू असून एकही रहिवाशाला बेघर होऊ देणार नसल्याचे आश्वासन यावेळी उपमुख्यमंत्री एकनाथ शिंदे यांनी आज उपस्थित रहिवाशांना दिले. यावेळी शिवसेना शहर प्रमुख रमाकांत मढवी, उपशहर प्रमुख, नगरसेवक शैलेश पाटील, उपशहर प्रमुख अँड. आदेश भगत, गणेश मुंडे, नगरसेवक अमर पाटील, दीपक जाधव, विभाग प्रमुख उमेश भगत, चरणदास म्हात्रे, विनोद मढवी, निलेश पाटील, शशिकांत पाटील, जगदीश भंडारी, अरुण म्हात्रे, सचिन चौबे आदी पदाधिकारी उपस्थित होते.