* खासदार श्रीकांत शिंदे यांच्या वाढदिवसानिमित्त सुस्त्य उपक्रम
ठाणे / अमित जाधव :- दिवा शहरातील मा. नगरसेवक शैलेश पाटील यांच्या वतीने दिवा शहरातील गरजू व गरीब 10 महिलांना शिवसेनेचे खासदार श्रीकांत शिंदे यांच्या वाढदिवसाचे औचित्य साधून मोफत रिक्षा वाटप करण्यात आले. हा उपक्रम खासदार शिंदे यांच्या ठाणे येथील निवासस्थानी संपन्न झाला.
गरीब व गरजू महिलांना आत्मनिर्भर करण्यासाठी मा. नगरसेवक शैलेश पाटील यांनी वेळोवेळी पुढे येवून अनेक सामाजिक उपक्रमाच्या माध्यमातून मोठे योगदान दिले आहे. शेकडो महिलांना उदरनिर्वाहसाठी त्यांनी सहकार्य केले आहे. दिवा शहरातील 10 महिलांना रिक्षा वाटप करून आत्मनिर्भर बनण्याचे साधन उपलब्ध करून देण्यात आले. यावेळी महिलांनी आनंद व्यक्त करीत खासदार श्रीकांत शिंदे यांना वाढदिवसाच्या शुभेच्छा देत अभिनंदन केले व मा. नगरसेवक शैलेश पाटील यांचे देखील आभार मानत कौतुक केले. याप्रसंगी शिवसेना आमदार राजेश मोरे, दिवा शिवसेना शहर प्रमुख रमाकांत मढवी, भालचंद्र भगत यांच्यासह अनेक पदाधिकारी व कार्यकर्ते मोठ्या प्रमाणावर उपस्थित होते.