चोपडा / प्रतिनिधी :- येथील महात्मा गांधी शिक्षण मंडळाचे दादासाहेब डॉं. सुरेश जी. पाटील महाविद्यालय, चोपडा मराठी अभ्यास मंडळ, कवयित्री बहिणाबाई चौधरी उत्तर महाराष्ट्र विद्यापीठ जळगाव आणि मराठी विभाग यांच्या संयुक्त विद्यमाने बुधवार, २९ जानेवारी २०२५ रोजी प्रथम वर्ष कला मराठी या विषयाच्या द्वितीय सत्रावर आधारित विद्यापीठस्तरीय चर्चासत्राचे आयोजन करण्यात आले आहे. या कार्यक्रमाचे उद्घाटन उत्तर महाराष्ट्र विद्यापीठाचे प्रथम कुलगुरू प्रा. डॉं. एन. के. ठाकरे यांच्या हस्ते होणार आहे. या कार्यक्रमाच्या अध्यक्षस्थानी महात्मा गांधी शिक्षण मंडळाचे अध्यक्ष ऍंड. संदीप सुरेश पाटील हे भूषविणार असून बीजभाषक म्हणून कवयित्री बहिणाबाई चौधरी उत्तर महाराष्ट्र विद्यापीठ जळगाव येथील भाषा अभ्यास प्रशाळा व संशोधन केंद्राचे संचालक प्रा. डॉं. म. सु. पगारे हे उपस्थित राहणार आहेत.
या कार्यक्रमाप्रसंगी प्रमुख अतिथी म्हणून खान्देशातील सुप्रसिद्ध कवी व साहित्यिक अशोक निळकंठ सोनवणे तसेच महात्मा गांधी शिक्षण मंडळाच्या सचिव डॉं. स्मिताताई संदीप पाटील त्याचप्रमाणे खान्देशातील अनेक नावाजलेल्या कवींची उपस्थिती लाभणार आहे. या चर्चासत्रात प्रथम वर्ष कला मराठी विषयाच्या अभ्यासक्रमासाठी नेमलेल्या 'काव्यप्रबोध' या पुस्तकात ज्या कवींच्या कवितांचा समावेश आहे, असे खान्देशी कवी उपस्थित राहणार असून त्यांच्या कवितांवर सहभागी संशोधक प्राध्यापक शोधनिबंधांच्या सादरीकरणाद्वारे विचार मंथन व चर्चा करणार आहेत. हे चर्चासत्र तीन सत्रात पार पडणार असून शोधनिबंध सादरीकरणाच्या प्रथम सत्राच्या अध्यक्षपदी पाचोरा येथील प्रा. डॉं. वासुदेव वले, द्वितीय सत्राच्या अध्यक्षपदी शिरपूर येथील प्रा. डॉं. फुला बागुल तर तिसऱ्या सत्राच्या अध्यक्षपदी म्हसदी येथील प्रा. डॉं. वाल्मिक आढावे हे उपस्थित राहणार आहेत.
तरी या मराठी विषयाच्या विद्यापीठस्तरीय चर्चासत्रामध्ये कवयित्री बहिणाबाई चौधरी उत्तर महाराष्ट्र विद्यापीठ, जळगाव संलग्नित जळगाव, धुळे व नंदुरबार या जिल्ह्यांमधील संशोधक, प्राध्यापक बंधू-भगिनी यांनी मोठ्या संख्येने उपस्थित रहावे, असे आवाहन महाविद्यालयाचे प्राचार्य डॉं. डी. ए. सूर्यवंशी तसेच चर्चासत्राचे संयोजक आणि मराठी अभ्यास मंडळाचे अध्यक्ष, उपप्राचार्य व मराठी विभाग प्रमुख प्रा. डॉं. के. एन. सोनवणे, उपप्राचार्य प्रा. डॉं. आर. एम. बागुल, उपप्राचार्य डॉं. ए. बी. सूर्यवंशी, वरिष्ठ महाविद्यालयाचे समन्वयक डॉं. एस. ए. वाघ तसेच या चर्चासत्राचे समन्वयक डॉं. एम. एल. भुसारे यांनी केले आहे.