* अपघातात सहा-सात वाहने बाधित - गुरुनाथ साठेलकर
खोपोली / खलील सुर्वे :- मुंबई - पुणे एक्सप्रेस वेवर अपघाताची मालिका सुरूच असून आज सकाळच्या सुमारास खोपोली एक्झिट जवळच्या बोगद्यामध्ये...बोगद्याच्या समोर...मध्यभागी आणि बोगद्याच्या बाहेर असे तीन अपघात झाल्याची माहिती सूत्रांकडून मिळाली आहे. या अपघातात अंदाजे सहा ते सात वाहने बाधित झाल्याचे समजते.
मिळालेल्या माहितीनुसार या अपघातांमधील दोन ट्रकचे केबिन दबल्याने त्यात वाहन चालक अडकले होते. या अपघाताची माहिती मिळताच अपघातग्रस्तांच्या मदतीसाठी सामाजिक संस्थेची टीम व देवदूत यंत्रणेची टीम घटनास्थळी दाखल झाली व केबिनमध्ये अडकलेल्या चालकांना सुखरूप बाहेर काढण्यात यश आले. अपघातातील जखमींना पुढील उपचारासाठी ॲम्बुलन्सच्या मदतीने रुग्णालयात पाठविण्यात आले.
या अपघाताची माहिती मिळतात अपघातग्रस्तांच्या मदतीसाठी सामाजिक संस्थेची टीम, देवदूत यंत्रणेची टीम, महामार्ग वाहतूक पोलिस यंत्रणा बोरघाट, लोकमान्य हॉस्पिटलची ॲम्बुलन्स सेवा, डेल्टा फोर्स, महाराष्ट्र सुरक्षा बल आदींनी घटनास्थळी दाखल होत अपघातग्रस्तांना मदत केली.