* दिवाळी अन् आचारसंहितेच्या नावाखाली अधिकारी व कर्मचारी गायब ?
* सर्वसामान्यांची कामे न करता दिवाळीची गिफ्ट घेण्यात अधिकारी व्यस्त ?
खोपोली / खलील सुर्वे :- देशात सर्वत्र दिवाळी सण मोठ्या उत्साहाने साजरा होत असून महाराष्ट्र राज्यात विधानसभेच्या निवडणुकी जाहीर झाल्याने आदर्श आचारसंहिता लागू झाली आहे. आदर्श आचारसंहिता व दिवाळी सणाच्या पार्श्वभूमीवर खालापूर तहसील कार्यालयालातील अधिकारी व कर्मचारी तीन दिवसांपासून गायब झाल्याचे नागरिकांन मधून बोलले जात आहे .कार्यलय मध्ये कोणच उपस्थित नसतांना लाईट पंखे सुरु असल्याचे चित्र दिसून येत आहे. वरिष्ठ अधिकारी आपल्या दालनात येण्याच्या तास-दोन तास आधी एसी चालू केला जातो. अधिकारी व कर्मचारी केबीनमध्ये नसताना लाईट, पंखे, एसी सुरूच असतात. अखेर लाईटचे लाखोंचे येणारे बिल हे कुणाच्या खिशातून भरले जाते ? असा प्रश्न उपस्थित होत आहे.
निवडणुकीची कामे असल्याने इमानदारीने कार्यालयामध्ये न थांबता बिचारे अधिकारी व कर्मचारी चहा, वडापावच्या टपरीसह हॉटेलमध्ये बसून दिवाळीचे गिफ्ट घेत असल्याची चर्चा तालुक्यात सुरु आहे. ऐवढेच नव्हे तर वरिष्ठ अधिकारी देखील जनतेची कामे न करता गिफ्ट, मिठाई घेण्यात व्यस्त असल्याचे दिसून येत आहे. निवडणुकीची कामे असल्याचे सांगत मागील आठवड्याभरापासून गायब असलेले अधिकारी व कर्मचारी नरक चतुदर्शीच्या मुहूर्तावर दिवाळीची गिफ्ट व मिठाई घेण्यासाठी ईमानेईतबारे टेबलवर बसून होते. शासकीय कामानिमित्त वाड्यावस्तीतून आलेल्या ग्रामस्थांना आदर्श आचारसंहिता व दिवाळी सणाची कारणे सांगत आता कामे होणा नाहीत, सर्व जण कामात व्यस्त असल्याचे सांगितले जात असल्याचे ग्रामस्थांकडून बोलले जात आहे. आचारसंहिता व दिवाळीचे सण फक्त अधिकारी व कर्मचारी यांनाच आहेत का? असा प्रश्न उपस्थित होत आहे. नागरिकांची कामे होत नाहीत अशी कारणे सांगून घरी पाठवले जाते. पण श्रीमंतांकडून गिफ्ट घेण्यासाठी अधिकारी व कर्मचारी बिझी नसतात. त्याचप्रमाणे साहेबांच्या ऑफिसच्या दरवाजाला आतून परद्याने का झाकले जातो ? असा सवालही खालापूरच्या जनतेने उपस्थित केला आहे.
खालापूर तालुक्यातील अनेक जण नोकरीसाठी बाहेर जातात. मात्र, दिवाळी सणाच्या निमित्ताने घरी येतात. सुट्टी मिळाल्यामुळे आपली शासकीय कामे होण्यासाठी तहसील कार्यालयामध्ये आल्यावर अधिकारी व कर्मचारी आचारसंहिता व दिवाळी सणाची कारणे सांगून कामे होणार नाहीत. साहेब खूप व्यस्त असल्याचे सांगण्यात येत असल्याने ग्रामस्थांनी नाराजी व्यक्त केली आहे. खालापूर तहसील कार्यालयामध्ये हेलपाट्या मारल्याशिवाय कोणतीच कामे होत नाहीत ? आधीच्या तहसीलदारांनी कधीच सर्वसामान्य लोकांच्या कामाला विलंब लावला नाही मात्र, नवीन तहसीलदारांना जनता जनार्दनाच्या कामाशी कोणतेच देणे-घेणे नाही ? अपना काम है बनता भाड में जाये जनता ? या कार्यालयाचे लोकसेवक वेळेवर कार्यालयामध्ये हजर का राहत नाहीत ? तहसीलदार देखील बारा वाजता, एक वाजता हजर होत असतील तर 'बडे मियां तो बडे मियां, छोटे मियां सुभानअल्लाह ? ही परिस्थिती गेल्या काही महिन्यापासून खालापूर तालुक्याची झाली असल्याचे दिसून येत आहे.