ठाणे / अमित जाधव :- दिवा प्रभाग समितीच्या अतिक्रमण विभागाच्या पथकाने अनधिकृत बांधकामावर कारवाईचा बडगा उगारला आहे. ठाणे महानगरपालिकेचे आयुक्त सौरव राव यांच्या आदेशानुसार सदरची कारवाई ठाणे महानगरपालिका उपायुक्त परिमंडळ १ व दिवा प्रभाग समितीचे सहायक आयुक्त राजेंद्र गिरी यांनी दिवा शहरात प्रभाग २८ मध्ये अनधिकृत बांधकामावर केली आहे.
दिवा प्रभाग समितीच्या अतिक्रमण विभागाच्या पथकाने ४ मार्च २०२५ रोजी दिवा प्रभाग समितीतील प्रभाग २८ मधील नव्याने सुरु असलेल्या दोन अनधिकृत इमारतीचे लिफ्ट तोडण्यात आली. ठाणे महानगरपालिका उपायुक्त परिमंडळ १ मनीष जोशी यांच्या आदेशान्वये व दिवा प्रभाग समितीचे सहायक आयुक्त राजेंद्र गिरी व बिट निरीक्षक सुहास रोकडे यांच्या उपस्थितीत यंत्रसामुग्री व जेसीबीच्या सहायाने पोलिस बंदोबस्तात सदरची कारवाई करण्यात आली.