* आर्थिक संकंटाचा सामना करणाऱ्या कुटुंबाचा छळ
* महिला सदस्यांना उकसावून जगणे करतोय हराम
* टार्गेट पूर्ण करण्यासाठी झपाटले वसुली अधिकारी
रायगड / विशेष प्रतिनिधी :- आर्थिक अडचणींचा सामना करीत असल्याने संकंटात सापडलेल्या एका महिला उद्योजक व कुटुंबियांचा आयसीआयसीआय बँकेचा कर्मचारी विजय थोरात याने मानसिक छळ सुरू केला असून पैसे आताच भरा...आजच भरा, नाही तर सर्व महिलांना नोटीस काढू, कायदेशीर कार्रवाई करू अशी धमकी देत आत्महत्येस प्रवृत्त करीत आहे.
याबाबत सविस्तर वृत्त असे की, खोपोली येथील तनवीर महिला बचत गटाच्या अध्यक्षा मागील काही वर्षापासून मोठ्या प्रमाणावर आर्थिक अडचणींचा सामना करीत आहेत. व्यवसायात नुकसान आणि एका पाठोपाठ उद्भवलेल्या आजारामुळे डोक्यावर कर्जाचा डोंगर झाला आहे. अनेक मायक्रो फायनान्स, बँका व नातेवाईक यांचे कर्ज डोक्यावर झाले आहे. त्यातील अनेक कर्ज हळूहळू ते व त्यांचे कुटुंब फेडत आहे. परंतु काही बँकाचा हफ्ता नियमित भरणे शक्य होत नाहिये...यातच महिला बचत गटाच्या माध्यमातून व्यवसायासाठी त्यांनी आयसीआयसीआय बँकेकडून 6 लाख 40 हजार रूपयांचे कर्ज घेतले होते. या पैशात 10 महिलांना समान रक्कम देण्यात आली होती. त्यापैकी स्वत: अध्यक्षा फिरोजा पिंजारी व इतर तीन महिलांनी त्यांना सहकार्य केले होते. दरम्यान, 18 महिने या बचत गटाचा हफ्ता नियमित भरला जात होता.
ऐवढेच नव्हे तर 10 महिला 3000 रूपये हफ्ता देत होत्या. पण बँकेचा हफ्ता 31,455 रूपये भरावे लागत होते. वरील 1455 रूपये अध्यक्षा फिरोजा पिंजारी आपल्या खिशातून पैसे भरत होत्या. 18 महिने 1455 भरत त्यांनी आतापर्यंत 26,190 रूपये आपल्या खिशातून भरले आहेत. परंतु नोव्हेंबर 2024 पासून परिस्थिती खालावल्याने त्यांनी हफ्ता भरला नाही. दरम्यान, 5 महिला नियमित हफ्ता भरत आहेत, तर 5 महिलांचे 15 हजार रुपये फिरोजा पिंजारी यांना भरायचे आहेत. 6 महिन्यांचे 90 हजार रुपये त्यांना जमा करायचे आहेत, पण सध्या ते भरणे शक्य होत नाहिये. 26 हजार त्यांनी आपल्या खिशातून भरले आहेत, त्याचा विचार केला जात नाहिये. तसेच हे पैसे भरून बचत गटाचा विषय संपविण्यासाठी त्या प्रयत्न करीत आहेत. आर्थिक अडचणींचा सामना करीत असल्याने ऐवढा हफ्ता भरायला उशीर होत आहे. अशा परिस्थितीत आयसीआयसीआय बँकेचे कर्मचारी विजय थोरात पैसे आताच भरा...आजच भरा, नाही तर सर्व महिलांना नोटीस काढू, कायदेशीर कार्रवाई करू अशी धमकी देत आत्महत्येस प्रवृत्त करीत आहे.
थोरात म्हणाले की, तुम्ही आज हफ्ता भरला नाही तर आम्ही सर्व 10 महिलांना नोटीस काढू. ज्या 5 महिला नियमित हफ्ता भरत आहेत, त्यांना नोटीस काढून त्यांना अध्यक्षा फिरोजा पिंजारी यांच्यावर दबाव टाकण्यासाठी उकसावत आहेत. सदर महिलांना नोटीस काढल्यास सदर महिला अध्यक्षा फिरोजा पिंजारी यांचे जगणे हराम करतील. हफ्ता भरला नाही...सदर महिलांना नोटीस काढल्यास सदर महिला वाद घालतील आणि मग फिरोजा पिंजारी व कुटुंबिय यांना आत्महत्या केल्याशिवाय पर्याय राहणार नाही. टार्गेट पूर्ण करण्यासाठी झपाटलेले वसुली अधिकारी विजय थोरात फिरोजा पिंजारी व कुटुंबिय यांना आत्महत्येस प्रवृत्त करीत आहेत, तरी विजय थोरात यांच्यावर कार्रवाई होणार का? हफ्ता भरला नाही तर मरायचे का ? असा प्रश्न पिंजारी यांनी उपस्थित केला आहे.
यापूर्वी महिला बचत गटाच्या अधिकारी गायकवाड मॅडम आणि त्यांच्या सहकार्यांनी घरी येवून असाच गोंधळ घातला होता. उद्या हफ्ता भरला नाही तर पाहून घेवू अशी धमकी गायकवाड मॅडम यांनी दिली होती. गायकवाड मॅडम म्हणाल्या होत्या की, जर हफ्ता भरला नाही तर सिबिल खराब करू...तुम्हाला व महिला बचत गटात असलेल्या सर्व महिला सदस्यांचा सिबिल खराब करून त्यांना कुठेही कर्ज मिळणार नाही असा बंदोबस्त करू, अशा बोलल्या होत्या. दरम्यान, कर्ज वसुली अधिकारी व कर्मचारी लोकांचा जीव घेण्यासाठी आहेत का? असा प्रश्न निर्माण झाला आहे.