* खोपोली व खरसुंडी येथील अनेक कार्यकर्त्यांनी केला भारतीय जनता पक्षात प्रवेश
खालापूर / प्रतिनिधी :- गोवा राज्याचे मुरगाव विधानसभेचे आमदार संकल्प अमोनकर यांच्या उपस्थितीत आज महड येथे खालापूर तालुका भाजपा मंडळाची बैठक पार पडली. यावेळी कार्यकर्त्यांनी आपल्या मनातल्या वेदना त्यांच्या समोर मांडत युतीचे आमदार महेंद्र थोरवे यांनी मागील 5 वर्षात कशाप्रकारे वागूणूक दिली याबद्दल तीव्र नाराजी व्यक्त केली. महायुतीचा धर्म काय प्रत्येक वेळी भाजप कार्यकर्त्यांनीच पाळायचा का ? असा प्रश्न उपस्थित करत जे काही होईल ते होईल पण यावेळी कर्जत खालापूर विधानसभेला भाजपचाच उमेदवार हवा असे कार्यकर्त्यांनी उपस्थित पदाधिकारी यांच्याकडे मनोगत व्यक्त केले.
यावेळी उत्तर रायगड सरचिटणीस दीपक बेहरे, विधानसभा निवडणूक प्रमुख किरण ठाकरे, उत्तर रायगड जिल्हा किसान मोर्चा अध्यक्ष अतुल बडगुजर, उपाध्यक्ष उत्तर रायगड सनी यादव, कर्जत मंडळाचे अध्यक्ष राजेश भगत, जिल्हा परिषद माजी सदस्य नरेश पाटील, फ्रेंड्स ऑफ बीजेपी व खालापूर विधानसभा संयोजक नितीन कांदळगावकर, युवा मोर्चा खालापूर अध्यक्ष नागेश पाटील, कर्जत खालापूर युवा मोर्चा विधानसभा प्रमुख प्रसाद पाटील, खालापूर शहराध्यक्ष दीपक जगताप, खालापूर तालुका सरचिटणीस आबासाहेब देशमुख, रायगड जिल्हा युवा मोर्चा उपाध्यक्ष जगदीश आगिवले, आत्करगावचे माजी सरपंच संदीप पाटील, भारतीय जनता पार्टी महिला पदाधिकारी श्वेताताई मनवे, वत्सलाताई मोरे, यशोदाताई मोरे, राखीताई गणेशकर, कर्जत विधानसभा विस्तारक हेमंत नांदे, खालापूर मंडळाचे सर्व नेते, पदाधिकारी व कार्यकर्ते या बैठकीला मोठ्या संख्येने उपस्थित होते.
यावेळी भाजपा युवा वाॅरिअर्स रायगड जिल्हा सहसयोजक अभिषेक कदम व युवा वाॅरिअर्स तालुका संयोजक अक्षय जाधव यांच्या मार्गदर्शनाखाली खोपोली व खरसुंडी येथील कार्यकर्त्यांनी गोवा विधानसभेचे आमदार संकल्प आमोनकर यांच्या उपस्थितीत भारतीय जनता पक्षात जाहीर प्रवेश केला. साहिल भिसे, राज उतेकर, संकेत बारस्कर, अनिकेत बारस्कर, मंदार बारस्कर, सागर वाघमारे, कल्पेश पवार, प्रथमेश साळुंखे, सिद्धेश शिंदे (सर्व खरसुंडी गाव) तसेच स्वतेज बागराव, अतुल लांबे, रोहित गस्ती, निर्भय पवार, राजेश पाटील, सार्थक हिंदुराव, रसुल नदाफ, कुशल तेलवणे, अथर्व सुर्वे, सूरज बायस, दर्शन लांबे, रोहन भऊड, कुमार राठोड, चेतन गांभे (सर्व राहणार वासरंग खोपोली) येथील कार्यकर्त्यांनी भारतीय जनता पक्षात जाहीर प्रवेश केला.