* ग्रामीण भागाच्या विकासात पायाभूत सुविधांची महत्त्वाची भूमिका - प्रसाद थोरवे
कर्जत / प्रतिनिधी :- 20 मार्च रोजी सकाळी 11 वाजता डुक्करपाडा ते ठोंबरेवाडी रस्त्याच्या भूमिपूजनाचा शुभारंभ विधानसभा प्रमुख प्रसाद मनोहर थोरवे यांच्या हस्ते संपन्न झाला. ग्रामीण भागातील दळणवळण सुकर व्हावे आणि नागरिकांना मूलभूत सुविधा मिळाव्यात, या उद्देशाने या रस्त्याच्या कामाचा प्रारंभ करण्यात आला.
या कार्यक्रम प्रसंगी बोलताना विधानसभा प्रमुख प्रसाद मनोहर थोरवे म्हणाले की, ग्रामीण भागाच्या विकासात पायाभूत सुविधा महत्त्वाची भूमिका बजावतात. चांगले रस्ते असतील तर शिक्षण, आरोग्य आणि शेती यासह सर्वच क्षेत्रांचा विकास होतो. डुक्करपाडा ते ठोंबरेवाडी हा रस्ता केवळ प्रवास सुलभ करण्यासाठी नाही, तर हा संपूर्ण परिसराच्या प्रगतीसाठी एक महत्त्वाचे पाऊल आहे. हा रस्ता पूर्ण झाल्यानंतर येथील नागरिकांना मोठा दिलासा मिळणार आहे. शेतकऱ्यांना त्यांच्या शेतीमालाची वाहतूक करणे सोपे होईल, विद्यार्थ्यांना शिक्षणासाठी प्रवास सुलभ होईल, तसेच स्थानिक व्यवसायांनाही चालना मिळेल. हा प्रकल्प म्हणजे गावाच्या उज्ज्वल भविष्यासाठी टाकलेले एक महत्त्वपूर्ण पाऊल आहे.
यापुढेही आपण असेच विकासकामे सातत्याने करीत राहू. ग्रामीण भागातील रस्ते, पाणीपुरवठा, आरोग्य आणि शिक्षण यासारख्या मूलभूत सुविधांमध्ये कोणतीही कमतरता राहू नये, यासाठी आम्ही सदैव प्रयत्नशील राहू. हा रस्ता लवकरात लवकर पूर्ण होऊन नागरिकांना त्याचा लाभ मिळावा, यासाठी आम्ही कटीबद्ध आहोत. रस्ते विकास हा केवळ दळणवळणाचा प्रश्न नसून, तो संपूर्ण गावाच्या प्रगतीसाठी एक महत्त्वाचा टप्पा आहे. या विकासकामामुळे भविष्यात ग्रामीण भागाला मोठी चालना मिळेल, असा विश्वास थोरवे यांनी व्यक्त केला.
या भूमिपूजनप्रसंगी दिलीप शेठ ताम्हाणे, तालुका समन्वयक रमेश मते, उपतालुका प्रमुख रामचंद्र मिणमिणे, भास्कर शेठ दिसले, ग्रामपंचायत माजी सरपंच दत्तू शेठ पिंपरकर, पाथरज जिल्हा परिषद प्रमुख पंढरीनाथ आगज, उपतालुका संपर्क प्रमुख संदेश शेठ सावंत, पंढरीनाथ पिंपरकर, कैलास बांगर, मनोज भोईर, मालू शेळके, कशेळे पंचायत समिती प्रमुख भानुदास धुळे आदी उपस्थित होते.
याशिवाय विलास मोडक, संजय चवरे, मयूर मोरे, शिवाजी बिबवे, विलास घुडे, प्रकाश चव्हाण, संतोष पिंपरकर, मंगेश सावंत, अरुण मेदगे, गणेश रसाळ, हभप अनंता महाराज घाडगे, विजय बिबवे, उमेश घुडे, कालूराम घुडे, निर्मला घुडे, भरत बिबवे तसेच शिवसेना पक्षाचे पदाधिकारी, कार्यकर्ते व ग्रामस्थ देखील मोठ्या संख्येने उपस्थित होते.