* आश्वासनांची पूर्तता केली जात नसल्याने उरण तहसील कार्यालयावर शिवसेनेची धडक
उरण / विठ्ठल ममताबादे :- शिवसेना उद्धव बाळासाहेब ठाकरे पक्ष प्रमुख उद्धव बाळासाहेब ठाकरे यांच्या आदेशाने व जिल्हाप्रमुख माजी आमदार मनोहरशेठ भोईर यांच्या नेतृत्वाखाली शिवसेना उरणतर्फे तहसीलदार उद्धव कदम यांना भाजपा, शिंदे शिवसेना, अजित पवार राष्ट्रवादी यांच्या महायुती सरकारविरोधात निवेदन देण्यात आले. २०२४ च्या निवडणुकीत लाडकी बहीण योजनेच्या १५०० ऐवजी २१०० रुपये देण्याच्या आश्वासनाची पूर्तता करीत नसल्याने जुमलेबाज महायुती सरकारचा निषेध करण्यात आला. खोटी आश्वासने देऊन महिलांची फसवणूक करणाऱ्या सरकारच्या विरोधात आक्रमकपणे आंदोलन करण्याचा इशारा शिवसेनेने दिला.
यावेळी शिवसेना जिल्हाप्रमुख माजी आमदार मनोहरशेठ भोईर, उपजिल्हाप्रमुख नरेश रहाळकर, तालुका प्रमुख संतोष ठाकूर, तालुका संघटक बी. एन. डाकी, माजी नगराध्यक्ष गणेश शिंदे, तालुका संपर्क प्रमुख दिपक भोईर, शहर प्रमुख विनोद म्हात्रे, तालुका उपसंघटक रूपेश पाटील, माजी शहर प्रमुख महेंद्र पाटील, माजी उपनगराध्यक्ष परमानंद करंगुटकर, माजी उपसभापती हिराजी घरत, उपजिल्हा संघटीका ममता पाटील, उरण शहर संघटिका सुजाता गायकवाड, जिल्हा प्रवक्ता मनीषा ठाकूर, महिला विधानसभा संघटिका ज्योती म्हात्रे, वशेणी सरपंच अनामिका म्हात्रे, कविता पाटील, शाखा संघटिका लता राठोड, सोशल मिडिया समन्वयक नितिन ठाकूर, विभागप्रमुख नारायण तांडेल, राजन कडू, वैभव करंगुटकर, माजी शाखा प्रमुख पागोटे रमेश पाटील, हितेद्र म्हात्रे, डोंगरी शाखा प्रमुख सचिन पाटील आदींसह महिला पदाधिकारी व कार्यकर्ते मोठ्या संख्येने उपस्थित होते.