शाळांमध्ये पायाभूत सोयी-सुविधा पुरविण्यासाठी अनुदान योजनेचे प्रस्ताव सादर करण्यास मुदतवाढ

रायगड / प्रतिनिधी :- अल्पसंख्याक विकास विभागाकडून धार्मिक अल्पसंख्याक विद्यार्थी बहुल शासनमान्य खाजगी, अनुदानित, विना अनुदानित, कायम विना अनुदानित शाळा, कनिष्ठ महाविद्यालये, औद्योगिक प्रशिक्षण संख्या, नगरपालिका, नगर परिषद शाळा व अपंग शाळांमध्ये पायाभूत सोयी-सुविधा पुरविण्यासाठी अनुदान  योजना सन 2024-25 साठी प्रस्ताव सादर करण्यास मुदतवाढ देण्यात असून जिल्ह्यातील इच्छूक शाळांनी सन 2024-25 या आर्थिक वर्षाकरिता विहित नमुन्यातील अर्जासह प्रस्ताव जिल्हा नियोजन समिती, जिल्हाधिकारी कार्यालय, रायगड-अलिबाग यांच्याकडे दि. 22 फेब्रुवारी 2025 पर्यंत सादर करावेत, असे आवाहन जिल्हा नियोजन अधिकारी तथा सदस्य सचिव, उच्चस्तरीय निवड समिती रायगड-अलिबाग जयसिंग मेहेत्रे यांनी केले आहे.