रायगड / आनंद मनवर :- 31 जानेवारी रोजी प्रभारी मुख्याध्यापक बिपीन पाटील यांचा सेवापुर्ती सत्कार सोहळा मोठ्या उत्साहात को. ए. सो. डॉं. प्रभाकर रामचंद्र गावंड विद्यालय परळी येथे साजरा करण्यात आला. बिपीन पाटील यांनी खूप कष्ट करुन आपले शैक्षणिक जीवन सुरु करुन जीवनात जिद्दीने पुढे आले. त्यांनी त्यांच्या 32 वर्षाच्या सेवेमध्ये अनेक सुख दुःखाचा सामना त्यांनी केला, पण ते कधी डगमगले नाहीत. त्यांच्या प्रत्येक सुखदुःखात त्यांचा पत्नी प्रिती पाटील यांनी मदत केली. प्रिती पाटील या स्वतः प्राथमिक शिक्षक असून त्यांनी साथ दिली. वेळप्रसंगी त्यांनी मैलो प्रवास करुन 2 मुलांची जबादारी स्वीकारली.
सरांची नोकरी संस्थेत असल्याने कोणत्याही एका ठिकाणी राहणे शक्य नव्हते तरी त्यांनी संसार आणि आपले कुटुंब सांभाळून सर्व प्रकारे आपले कुटुंब सांभाळून जबाबदारी स्विकारली. बिपीन पाटील हे एक स्वछंदी व्यक्तिमत्व आहे. त्यांच्या प्रभारी मुख्याध्यापक पदाचा एक वर्षाच्या कालावधीत त्यांनी आपल्या सेवकांना कधीही त्रास दिला नाही. सगळ्या समस्या समजून अडीअडचणी समजून घेतल्या. याविषयी शाळा समिती अध्यक्ष प्रवीण कुंभार यांनी सांगितले की, त्याचबरोबर शाळेला योग्यवेळी मार्गदर्शन केले आणि संस्थेला विश्वासात घेऊन निर्णय घेतले.
पाटील सर प्रभावी नेतृत्व आहे. त्यांनी सामाजिक बांधिलकी जोपासून शाळेचा, संस्थेचा नियम सांभाळून प्रशासन सांभाळेल. विविध मान्यवर, मित्र मंडळी, आप्तेष्ठ, शिक्षक कर्मचारी वृंद यांनी आपल्या मनोगतातून व्यक्त केले. या प्रसंगी मित्रमंडळी, नातेवाईक, सर्व अलिबागकर, शाळेचे चेअरमन ऍड. प्रवीण कुंभार, उद्योजक सतीश देसाई, सामाजिक कार्यकर्ते सुनील वाघोस्कर, केतन देसाई, रुपेश जाधव, केंद्र प्रमुख हाके, मुख्याध्यापक भुसे सर, शेख सर, उदय धुमाळ, शुभम वाघोस्कर, बबन बोरिटकर, शैलेश गुप्ता आदी यावेळी उपस्थित होते. सूत्रसंचालन संतोष भालेराव यांनी केले. आभार भावी मुख्याध्यापक अशोक अहिरे यांनी केले.