ओम गगनगिरी हॉस्पिटलचे सामाजिक न्याय मंत्री रामदास आठवले यांच्या हस्ते उद्घाटन

 

* आरोग्य सेवा देण्यासाठी प्राधान्य देत ओम गगनगिरी हेल्थ सर्विस कार्य करीत आहे - डॉ.प्रकाशराव शेंडगे 

नवीन पनवेल / साबीर शेख :- उलवे सेक्टर 23 येथील ओम गगनगिरी हेल्थ सर्विस, ओम गगनगिरी हॉस्पिटलचे उद्घाटन सामाजिक न्याय मंत्री रामदास आठवले यांच्या हस्ते १५ जुलै रोजी करण्यात आले. डॉं. प्रकाशराव शेंडगे हे या हॉस्पिटलचे डायरेक्टर आहेत. यावेळी अल्प दरामध्ये नागरिकांच्या चाचण्या करण्यात येणार असून या हॉस्पिटलला रामदास आठवले यांनी शुभेच्छा दिल्या. आणि जी मदत लागेल ते करण्याचे आश्वासन दिले.

हॉस्पिटलतर्फे रुग्णांच्या वैद्यकीय चाचण्या करण्यासाठी फिरती बस ठेवण्यात आली आहे. हेल्थ बसची पाहणी केंद्रीय मंत्री रामदास आठवले यांनी केली. यावेळी प्रथितयश डॉक्टरांचा सन्मान मंत्री रामदास आठवले यांच्या हस्ते करण्यात आला. यावेळी आरपीआयचे 

महाराष्ट्र प्रदेश सदस्य सुमित मोरे, रायगड जिल्हाध्यक्ष नरेंद्र गायकवाड, पनवेल महानगरपालिका अध्यक्ष प्रभाकर कांबळे, कोकण प्रदेश युवक अध्यक्ष सुशांत सपकाळ , माजी महापौर सुधाकर सोनवणे, श्रमिक ब्रिगेड प्रदेश सचिव तूषार कांबळे, ओशियन स्टेलर मेरीटाईम प्रायव्हेट लिमिटेड को-फौंडर, मॅनेजिंग डायरेक्टर वसीम अन्वर व यांच्यासह अनेक मान्यवर पदाधिकारी, कार्यकर्ते उपस्थित होते.