ठाणे / अमित जाधव :- दिवा पश्चिम येथील हनुमान मंदीराचा जिर्णोध्दार आणि प्राणप्रतिष्ठा सोहळा फाल्गुन शुद्ध तृतीया शके १९४६ रविवार, २ मार्च २०२५ रोजी श्री गणेश, श्री हनुमान, श्रीराम लक्ष्मण आणि सीता मूर्तीची प्राणप्रतिष्ठा प. पू. बालयोगी सदानंद महाराज (तुंगारेवर पर्वत) यांच्या शुभहस्ते होणार आहे.
शुक्रवार, २८ फेब्रुवारी २०२५ रोजी सकाळी ९ वाजता मूर्तीची भव्य मिरवणूक सोहळा आयोजित करण्यात आला होता. दिवा गावातील ग्रामस्थांसह महिला, भगिनी, तरुण-तरुणी मोठ्या संख्येने या मिरवणुकीत सहभागी झाले होते. सदर पालखी व मूर्ती सोहळा हनुमान मंदिर, कुलस्वामिनी मंदिर, गावदेवी मंदिर असा हा मूर्ती मिरवणूक सोहळा आयोजित करण्यात आला होता. मोठ्या उत्साहात पालखी व देवतांच्या मूर्तीचा हा मिरवणूक सोहळा मोठ्या उत्साहात पार पडला. शनिवार, १ मार्च रोजी कलश यात्रा निघणार असून रविवार, २ मार्च रोजी सकाळी ११ वाजता श्री गणेश, श्री राम, लक्ष्मण, सीता, श्री हनुमान मुर्ती प्राणप्रतिष्ठा सोहळा पार पडणार असून दिवा गाव ग्रामस्थांच्या वतीने या सोहळ्यास उपस्थित राहण्याचे आवाहन करण्यात आले असून रविवारी दुपारी भाविकांसाठी महाप्रसादाचे आयोजन करण्यात आले आहे.