* एक संस्मरणीय संध्याकाळ विथ क्वीन्स खोपोली येथे साजरी हळदी कुंकू...!!
खोपोली / प्रतिनिधी :- खोपोलीतील सहज फाउंडेशनचे अध्यक्ष डॉं. शेखर जांभळे यांच्या संकल्पनेतून संस्थेच्या उपाध्यक्षा इशिका शेलार यांनी आयोजित केलेल्या "हळदी कुंकू" कार्यक्रमासाठी सर्व स्तरातील महिला एकत्र आल्याने खोपोली लोहाणा समाज सभागृह जल्लोषाने गजबजले. हा कार्यक्रम जबरदस्त यशस्वी ठरला आणि 300 हून अधिक महिलांनी या उत्सवात भाग घेतला. संध्याकाळी उत्साही नृत्य सादरीकरण, आनंदी विनोद, उखाणे आणि संक्रमक हास्याने भरलेली होती, ज्यामुळे खरोखरच जादुई वातावरण निर्माण झाले होते.
या कार्यक्रमाचे वैशिष्ट्य म्हणजे स्त्रीत्वाचा उत्सव, ज्यामध्ये सहभागी महिलांचे सामर्थ्य, प्रेम आणि सौंदर्य यांना मानाचा मुजरा वाहण्यात आला. आयोजकांनी दयाळू अंतःकरणाने मातांची, देवी दुर्गाच्या आत्म्याने योद्ध्यांची आणि कृपेने आणि शिष्टाईने आपल्या राज्यांवर राज्य करणाऱ्या राण्यांची प्रशंसा केली. विधवा, निराधार महिलांसाठी व त्यांच्या सन्मानासाठी हळदी कुंकू या कार्यक्रमाचे नियोजन करण्यात आले. संक्रांतीनिमित्त सर्वच ठिकाणी हळदी कुंकू समारंभ होत असतात, मात्र जुन्या चालीरीतीप्रमाणे बऱ्याच वेळा विधवा स्त्रियांना यात मानाचे स्थान दिले जात नाही. स्त्रीचे हेच मन ओळखून संस्थेच्या माध्यमातून सर्व स्तरातील महिलांना वाण देण्यात आले व यावेळी समाजातील इतर महिलांनाही तिळगूळ देऊन त्यांच्याशी संवाद साधण्यात आला.
सामाजिक कार्य करीत असताना समाजाच्या मदतीसाठी तळागाळापर्यंत पोहोचण्यासाठी सहज सेवा फाऊंडेशनचे अध्यक्ष डॉं. शेखर जांभळे व त्यांचे सहकारी नेहमी झटत असतात. संस्थेच्या माध्यमातून अनेक समाजपयोगी उपक्रम राबविले जातात. त्या अनुषंगाने संस्थेच्या उपाध्यक्षा इशिका शेलार, जनसंपर्क प्रमुख जयश्री कुलकर्णी, संघटिका निलम पाटील, सहखजिनदार बनिता सहा, मनीषा नरांगळे, निलम समेळ, योगिता जांभळे, सागरिका जांभळे, निहारिका जांभळे, परिसा शेलार आदींनी समाजातील सर्व महिलांना एकत्रित करून हळदी कुंकवाच्या निमित्ताने त्यांच्यासोबत मनमुराद गप्पा व विविध कार्यक्रमाचे आयोजन करण्यात आले.
या हळदी कुंकू या कार्यक्रमात ब्रह्मकुमारी मनीषा बेन यांनी महिलांना अध्यात्मिक, सामाजिक व संसारिक मार्गदर्शन केले. तसेच त्यांनी कार्यक्रमास आपली उपस्थिती दर्शविली व आपले मत मांडले. सहज सेवा फाऊंडेशन ही संस्था विधवा, निराधार, कष्टकरी महिलांना प्रोत्साहित करीत असते. या महिला आपल्या समाजाचा एक महत्वपूर्ण भाग असल्याची जाणीव करून देण्यासाठी अशा प्रकारचे उपक्रम घेणे आवश्यक ठरते.
सहज फाउंडेशनच्या उपाध्यक्षा इशिका शेलार यांनी सर्व सहभागींचे कृतज्ञता व्यक्त करताना सांगितले की, मेळाव्यातील आनंद आणि चैतन्य अनुभवत अनुभवण्यासारखे आहे. सहभागी महिलांचा उत्साह, ऊर्जा आणि उबदारपणाने खरोखरच एक अविस्मरणीय अनुभव निर्माण केला. सर्व सहभागींना मनापासून धन्यवाद देऊन कार्यक्रमाची सांगता झाली. खोपोली पोलिस स्टेशन महिला तसेच खालापूरच्या प्रथम नागराध्यक्षा शिवानी जंगम, जेएसडब्ल्यूच्या वर्षा महाकाळ, इनरव्हील क्लब, लाफ्टर क्लब अशा विविध संस्थांच्या मान्यवरांनी सामाजिक भावनेतून सहज सेवा फाऊंडेशन संस्थेच्या हळदी कुंकू समारंभात उपस्थिती दर्शविली.
या कार्यक्रमात उखाणे स्पर्धा, संगीत खुर्ची, लकी ड्रॉं तसेच महिलांचे नृत्य अशा कलागुणांना प्रोत्साहन देण्यात आले व हळदी कुंकवाचा आस्वाद घेण्यात आला. यावेळी खोपोली परिसरातील विविध महिला उपस्थित होत्या. संस्थेचे समाजातील सर्व स्तरातून कौतुक होत आहे. महिला शक्ती, प्रेम आणि सौंदर्याचे मूर्त स्वरूप आहात, असा संदेश यावेळी देण्यात आला.