रायगड / प्रतिनिधी :- पोलादपूर तालुक्यामधील माजी सैनिक, माजी सैनिक विधवा, युध्द विधवा, वीर पत्नी, वीर माता, वीर पिता यांच्याकरीता शुक्रवार, दि. 21 फेब्रुवारी रोजी सकाळी 10 वाजता कॅं. विनायक मोरे हॉल पोलादपूर येथे सैनिक मेळाव्याचे आयोजन करण्यात आले असून या मेळाव्यास जास्तीत जास्त संख्येने उपस्थित रहावे, असे आवाहन जिल्हा सैनिक कल्याण अधिकारी, रायगड-अलिबाग ले. कर्नल राहुल वैजनाथ माने (नि.) यांनी केले आहे.
या मेळाव्यात जिल्हा सैनिक कल्याण कार्यालयाचा विविध आर्थिक मदत, माजी सैनिक महिला बचत गट स्थापन करणे, माजी सैनिकांना रोजगार विषयक माहीती तसेच जिल्हा उद्योग केंद्र, अलिबाग यांच्याकडून नाबार्डमार्फत राबविल्या जाणाऱ्या विविध योजनांची माहीती देण्यात येणार आहे. तसेच कल्याणकारी निधीतून मिळणारी आर्थिक मदत यांची माहिती देण्याकरीता या मेळाव्यास जिल्हा सैनिक कल्याण अधिकारी व कार्यालयीन कर्मचारी हे उपस्थित राहणार आहेत.