* आदिती महोत्सवाच्या माध्यमातून महिला सशक्तिकरण
उरण / विठ्ठल ममताबादे :- स्त्री ही आदिशक्तीचे रुप आहे. आदिमायेची स्वरूप आहे. एक स्त्री सर्वच भूमिका निभावत असते. आई, काकी, मावशी, बहीण, बायको, वहिनी, मैत्रीण आदी विविध भूमिका एकच स्त्री उत्तमपणे निभावत असते. त्यामुळे आदर्श स्त्री ही देवता स्वरूप मानली जाते. या स्त्रीयत्वाचा मानसन्मान करण्याच्या दृष्टीकोणातून तसेच स्त्रियांना एकत्र करून त्यांना आत्मनिर्भर, सशक्त बनविण्याच्या दृष्टीकोणातून रायगड जिल्ह्यात अनेक ठिकाणी आदिती महोत्सवाचे आयोजन करण्यात येत आहे. अशाच प्रकारचे आदिती महोत्सव उरण तालुक्यातही मोठ्या उत्साहात पहिल्यांदाच साजरे करण्यात आले. राष्ट्रवादी काँग्रेस पार्टी (अजितदादा गट) च्या वतीने खासदार सुनिल तटकरे यांच्या संकल्पनेतून कॅबिनेट मंत्री आदितीताई तटकरे, माजी आमदार अनिकेत तटकरे यांच्या मार्गदर्शनानुसार उरण तालुक्यात एमजी वेअर हाऊस धुतुम येथे भव्यदिव्य स्वरूपात हळदी कुंकू कार्यक्रम घेण्यात आला.
सौभाग्याचे वाण या कार्यक्रमात एकमेकांना वाटण्यात आले. अंत्यत उत्साहात हा कार्यक्रम संपन्न झाला. याप्रसंगी महिलांसाठी लोकगीताचा ऑर्केस्ट्रा, नृत्य अविष्कार, लकी ड्रॉं, पैठणी बक्षिसे, महिलांसाठी भेट वस्तू असे अनेक विविध कार्यक्रम या महोत्सवामध्ये राबविण्यात आले. या सर्व कार्यक्रमांना महिलांनी मोठ्या प्रमाणात हजेरी लावली होती. हजारों. महिलांनी उपस्थित राहून या सर्व कार्यक्रमाचा मनसोक्त आनंद लुटला. विश्रांतीताई घरत व चिर्ले सायकल लाभार्थीतर्फे उमाताई मुंढे यांना छोटीसी भेट वस्तू देण्यात आली.
प्रसिद्ध मराठी अभिनेत्री रसिका वेंगुर्लेकर, राष्ट्रवादी काँग्रेस पार्टी जिल्हाध्यक्षा तथा वासांबे ग्रामपंचायत विद्यमान सरपंच उमाताई मुंढे, उरण तालुका महिला अध्यक्षा कुंदा वैजनाथ ठाकुर, वैशालीताई सामंत, रेश्मा रंधिर ठाकुर, रंजना मेघनाथ ठाकुर, उज्ज्वला सुनिल ठाकुर, शमिता दत्ता ठाकुर, मुक्ता लिलाधर घरत, वंदना मनोहर ठाकुर, भारती समाधान कटेकर, प्रणाली प्रविण घरत, प्रतिज्ञा सागर ठाकूर, वैशाली अरुण ठाकुर, संध्या विक्रम ठाकुर, माजी उपसरपंच धुतुम वैशाली पाटील, सुलोचना पाटील, पिंक्की हेमंत घरत, डॉं. रंजना म्हात्रे, उज्वला दीदी, पूजा विशाल पाटील आदी राष्ट्रवादी काँग्रेस पक्षाचे महिला पदाधिकारी, कार्यकर्ते, सामाजिक कार्यकर्त्या आदी यावेळी उपस्थित होत्या.
आदिती महोत्सव यशस्वीतेसाठी राष्ट्रवादी काँग्रेस पार्टी (अजितदादा गट) चे सर्वच पदाधिकारी, कार्यकर्त्यांनी विशेष मेहनत घेतली. प्रसिद्ध निवेदक नितेश पंडित सर, श्याम ठाकुर, आकाश घरत (फोटोग्राफर) तसेच द्रोणागिरी साऊंड सर्विस धुतुम यांचेही मोलाचे सहकार्य या महोत्सवाला लाभले. या महोत्सवाला महिलांचा मोठ्या प्रमाणात उत्तम प्रतिसाद लाभला आहे.