* लोककल्याणासाठी पत्रकारितेचा आग्रह धरा : अमृता फडणवीस
* व्यंकटेश जोशी, सीमा सिंग, वैभव वानखडे, डॉं. विजय दहिफळे, शिवाजी बनकर यांना 'महाराष्ट्र भूषण' तर दिलीप वैद्य, सुरज कदम, संदीप खडेकर, बाळासो पाटील, वृषाली पाटील यांना 'जर्नालिझम अवॉर्ड' प्रदान
मुंबई / प्रतिनिधी :- आपण निसर्गाचे काहीतरी देणे लागतो, तसे काम पुढच्या पिढीसाठी करावे, असे आवाहन प्रसिद्ध सिनेअभिनेते जॅकी श्रॉफ यांनी व्यक्त केले, तर सर्व पत्रकारांनी लोककल्याणासाठी पत्रकारिता करावी, असे मत अमृता फडणवीस यांनी मांडले. मुंबई येथे ‘महाराष्ट्र भूषण 2024’ व ‘व्हॉईस ऑफ मीडिया पॉझिटिव्ह जर्नालिझम अवॉर्ड 2024' सोहळा, तसेच नवनिर्वाचित जिल्हाध्यक्षांचा सन्मान व पदग्रहण सोहळा आयोजित केला होता. त्यावेळी ते बोलत होते.
महाराष्ट्र राज्याला अभिमान वाटावा असे उल्लेखनीय कार्य करणाऱ्या पाच जणांना ‘महाराष्ट्र भूषण 2024’ हा सन्मान प्रदान करण्यात येणार आहे. यामध्ये व्यंकटेश जोशी, सीमा सिंग, वैभव वानखडे, डॉं. विजय दहिफळे, शिवाजी बनकर, तर पॉझिटिव्ह जर्नालिझम अवॉर्ड 2024 ने दिलीप वैद्य, सुरज कदम, संदीप खडेकर, बाळासो पाटील वृषाली पाटील या पाच जणांना ‘व्हॉईस ऑफ मीडिया पॉझिटिव्ह जर्नालिझम अवॉर्ड 2024' ने सन्मानित करण्यात आले.
याप्रसंगी कौशल्य रोजगार, उद्योजकता व नावीन्यता मंत्री मंगलप्रभात लोढा, विधान परिषद सदस्य व हरिद्रा संशोधन व प्रशिक्षण केंद्र अध्यक्ष हेमंत पाटील (),जागृत नाशिक जागृत भारत जागृत विश्व प्रवर्तक स्वामी श्रीकंठानंद, लाईफस्टाईल कोच, कथाकार आणि लेखक डॉं. शुभ विलास, माहिती व जनसंपर्क महासंचालक व सचिव ब्रिजेश सिंह, सांगली जिल्हाधिकारी अशोक काकडे, पाशा पटेल, गोदावरी समूह अध्यक्ष व पुरस्कार निवड प्रक्रिया प्रमुख राजश्री पाटील, लोकशाही संपादक विशाल पाटील, जय महाराष्ट्र संपादक आशुतोष पाटील, ‘व्हॉईस ऑफ मीडिया’ इंटरनॅशनल चीफ गगन महोत्रा, ‘व्हॉईस ऑफ मीडिया’ प्रदेशाध्यक्ष अनिल म्हस्के आदी उपस्थित होते. जिल्हाधिकारी अशोक काकडे यांनी उपस्थित सर्व पत्रकार यांना कर्तव्यपणाची दीक्षा दिली. 'आवाज विश्वातल्या पत्रकारांचा' या पुस्तकाचे प्रकाशन, 'विजयी भव' आणि 'जिकंलेले योद्धे' या पुस्तकांच्या मराठी, हिंदी, इंग्लिश, कव्हरचे प्रकाशन, मासिक 'नयन अक्षर'चे प्रकाशन मान्यवरांच्या हस्ते करण्यात आले. पत्रकार आणि पत्रकारिता या विषयांवर कार्यक्रमात चिंतन झाले.