पनवेल / प्रतिनिधी :- २०२५ आदिवासी दिनदर्शिकेचे प्रकाशन माजी खासदार, लोकनेते रामशेठ ठाकूर यांच्या हस्ते बुधवार, १ जानेवारी रोजी करण्यात आले. गणपत वारगडा हे आदिवसी सम्राटचे संपादक असून ते वेळोवेळी त्यांच्या वृत्तपत्राच्या माध्यमातून आदिवासींचे प्रश्न सातत्याने शासन दरबारी मांडत असतात. एवढेच नाही तर गणपत वारगडा हे सामाजिक कार्यकर्ते असून ते आदिवासी संघटनेचे अध्यक्ष आहेत.
त्यांच्या आदिवासी सेवा संघाच्या वतीने समाजात प्रबोधन करीत असतांना अनेकांना न्याय देखील देत असतात, असे दिनदर्शिकेचे प्रकाशन करतेवेळी लोकनेते रामशेठ ठाकूर यांनी सांगितले. यावेळी जेष्ठ नेते वाय. टी. देशमुख, जेष्ठ पत्रकार अनिल भोळे, पत्रकार शंकर वायदंडे, रवींद्र गायकवाड, अनिल कुरघोडे, आदिवासी सेवा संघाचे सचिव सुनील वारगडा, आशिष साबळे आदी उपस्थित होते.