* पंतप्रधान मातृ वंदन योजनेत कोट्यवधींचा अपहार
* 26 ला प्रातांधिकारी कार्यालयाबाहेर आंदोलन
* कोकण उप-आयुक्त यांचे सिईओ रायगड यांना पत्र
कर्जत / विशेष प्रतिनिधी :- प्रधानमंत्री मातृ वंदना योजना (PMMVY) ही भारत सरकारद्वारे सुरू करण्यात आलेली मातृत्व लाभ योजना आहे, ज्या अंतर्गत गरोदर महिला आणि स्तनदा मातांना 5 हजार रुपये दिले जातात. पंतप्रधान नरेंद्र मोदी यांनी 1 जानेवारी 2017 रोजी ही योजना सुरू केली होती. प्रधानमंत्री मातृ वंदना योजना ही केंद्र सरकारची योजना आहे. जी महिला आणि बाल विकास मंत्रालय व समाज कल्याण विभागामार्फंत राबविली जाते. रायगड जिल्ह्यातील कर्जत तालुक्यात देखील ही योजना राबविण्यात आली होती. मात्र, या योजनेत कोट्यवधींचा अपहार झाल्याचे दिसून येत आहे. दरम्यान, या योजनेची चौकशी करून दोषींवर कार्रवाई करावी, अशी मागणी पत्रकार राजेंद्र जाधव यांनी महामहिम राष्ट्रपती, पंतप्रधान नरेंद्र मोदी, महामहिम राज्यपाल, मुख्यमंत्री, उपमुख्यमंत्री, आरोग्य मंत्री, कोकण आयुक्त यांच्याकडे लेखी तक्रार केली होती.
दरम्यान, या तक्रारीची पंतप्रधान कार्यालयाने दखल घेतली आहे. पीएमओ कार्यालयाकडून न्यूज जर्नालिस्ट असोसिएशन संस्थापक अध्यक्ष फिरोज पिंजारी यांना शुक्रवार, 17 जानेवारी रोजी संबंधित योजना व भ्रष्ट्राचाराबद्दल माहिती जाणून घेतली. त्याचप्रमाणे मागण्या जाणून घेण्यात आलेल्या आहेत. तरी लवकरच या प्रकरणी योग्य ती कार्रवाई करण्यात येईल, असे सांगण्यात आले. त्याचप्रमाणे कोकण उप-आयुक्त डॉं. प्रदीप घोरपडे यांनी रायगड जिल्हा परिषद मुख्य कार्यकारी अधिकारी (सिईओ) यांना सदर प्रकरणी नियमोचित कार्रवाई करावी असे पत्र 2 जानेवारी 2025 रोजी दिले आहे.
* नेमके प्रकरण काय आहे ?
पत्रकार राजेंद्र शिवाजी जाधव यांनी दिलेल्या माहितीनुसार कर्जत तालुका आरोग्य खात्याकडून दिलेल्या संख्येप्रमाणे फक्त 4 हजार 834 महिलांचे फॉर्म ऑनलाईन करण्यात आले आहेत. सन 2020-21, 2021-22, 2022-23 मध्ये पैसे दिलेल्या महिलांची यादी तपासली तेव्हा असे दिसुन येत आहे की, प्रत्यक्षात 2020 मधल्या 429 महिला, 2021 मधल्या 535 महिला, 2022 मधल्या 425 महिलांनाच लाभ मिळाला आहे. यादीमध्ये पहिल्या, दुसऱ्या व तिसऱ्या हप्त्यासाठी एका महिलेचे नाव दोन ते तीन वेळा रिपीट झाले आहे, त्यामुळे संख्या जास्त दिसते. म्हणजे प्रत्यक्षात पोर्टलवर 2020 मध्ये 350, 2021 मध्ये 296, 2022 मध्ये 201 आणि 2023 मध्ये 347 फॉर्मची एंट्री आजपर्यंत केलेली नाही. म्हणजेच तालुका आरोग्य खात्याकडून दिलेले आकडे फसवे व चुकीचे आहेत (एकुण 1194 फॉर्म होतात). पोर्टलवर ऑनलाईन केलेल्या पण पैसे देण्यासाठी शिल्लक असलेल्या 847 महिलांची यादी दिली आहे. त्या यादीवरून माहिती काढली तेव्हा असे दिसून आले की, एकुण 847 महिला नसून 2020-21 मधल्या 30 महिला, 2021-22 मधल्या 62 महिला, 2022-23 मधल्या 37 महिलांची नावे ऑनलाईन केली आहेत. म्हणजे शिल्लक यादीमध्ये फक्त 129 महिलांचे फॉर्म ऑनलाईन केलेले असताना पत्रामध्ये 929 महिलांची नावे ऑनलाईन केलेली आहेत अशी चुकीची माहिती दिलेली आहे. शिल्लक यादीमध्ये पहिल्या दुसऱ्या व तिसऱ्या एका हप्त्यासाठी एका महिलेचे नाव दोन ते तीन वेळा रिपीट झाले आहे, त्यामुळे संख्या जास्त दिसते पण प्रत्यक्षात फक्त 129 महिलांची नोंदणी झालेली आहे. तसेच शहरी भागातल्या फॉर्मची संख्या दिलेली नाही.
ती 125 संख्या धरली तर शहरी भागातल्या फॉर्मची संख्या 125 x 6 =750 होते. माथेरानमध्ये दरवर्षी 20 फॉर्म धरले तर 20 x 6 = 120 संख्या होते. म्हणजे एकुण नाही भरलेल्या फॉर्मची संख्या 5647 +1194 +750 +120 =7711 एवढी प्रचंड आहे आणि लाभ सन 2020-21, 2021-22, 2022-23 मध्ये पैसे दिलेल्या महिलांच्या यादीवरून माहिती काढली असता पहिला, दुसरा किंवा तिसरा लाभासाठी फॉर्म नाही भरलेल्या महिलांची संख्या 391 एवढी येते. त्यातही आशांनी दिलेल्या झेरॉक्समध्ये अर्धवट दिल्याचे दिसून येते म्हणजे खरा आकडा अजून पण खूप मोठा आहे जो कोणालाच माहिती नाही. तरी या प्रकरणाची विशेष अधिकाऱ्यामार्फंत चौकशी करण्यात यावी तसेच या प्रकरणातील दोषींवर कार्रवाई करण्यात यावी. निवेदन दिल्यापासून 15 दिवसांत या प्रकरणी कार्रवाई न झाल्यास 26 जानेवारी 2025 पासून कर्जत प्रातांधिकारी कार्यालयाबाहेर आमरण उपोषण करण्यात येईल, असा इशारा अखिल भारत जर्नालिस्ट फेडरेशन (एबीजेएफ) रायगड जिल्हाध्यक्ष तथा पत्रकार राजेंद्र शिवाजी जाधव यांनी दिला आहे.