माळशिरस / प्रतिनिधी :- रिपब्लिकन पार्टी ऑफ इंडिया (गवई गट) सोलापूर शहर व जिल्ह्याच्या वतीने पक्षवाढीसाठी समृद्धी हॉल सोलापूर येथे बैठक संपन्न झाली. त्या बैठकीच्या अध्यक्षस्थानी रिपब्लिकन पार्टी ऑफ इंडिया महाराष्ट्र प्रदेश अध्यक्ष जकाप्पा कांबळे हे होते. याप्रसंगी नूतन महाराष्ट्र अध्यक्ष झाल्याबद्दल त्यांचा सत्कार करण्यात आला. तसेच याप्रसंगी रिपाई पदाधिकारी व महिला पदाधिकारी यांचीही निवड करण्यात आली. यावेळी रिपब्लिकन पार्टी ऑफ इंडिया (गवई गट) सोलापूर जिल्हा कार्याध्यक्ष वैभव (भैया) धाईंजे यांची निवड तर माळशिरस तालुकाध्यक्षपदी रमेश (दादा) साळवे यांची निवड करण्यात आली तसेच महादेव समिंदर यांची माळशिरस तालुका उपाध्यक्षपदी निवड करण्यात आली.
रमेश साळवे हे "लोकनेता न्यूज चॅनलचे - संपादक" आहेत. तसेच त्यांच्या सामाजिक कार्याची दखल घेऊन त्यांना माळशिरस तालुका अध्यक्षपदी निवड केल्याने त्यांच्यावर सर्वत्र अभिनंदनाचा वर्षाव होत आहे. यावेळी रिपब्लिकन पार्टी ऑफ इंडिया महाराष्ट्र राज्य उपाध्यक्ष श्रीकांत नानासाहेब सावंत, महाराष्ट्र उपाध्यक्ष दत्ता सावंत, सोलापूर जिल्हा अध्यक्ष धर्मा माने, पश्चिम महाराष्ट्र उपाध्यक्ष रावसाहेब प्रक्षाळे, उस्मानाबाद जिल्हाध्यक्ष राजू लोंढे व सर्व कार्यकर्ते उपस्थित होते.