तालुकास्तरीय कबड्डी स्पर्धा वडवळ येथे उत्साहात संपन्न


रायगड / प्रतिनिधी :- क्रीडा व युवक सेवासंचलनालय महाराष्ट्र राज्य, पुणे अंतर्गत जिल्हा क्रीडाधिकारी कार्यालय रायगड - अलिबाग आयोजित तालुकास्तरीय कबड्डी स्पर्धा २०२४-२५ चे भव्य आयोजन माध्यमिक विद्यालय - वडवळ येथे शासनाच्या वतीने करण्यात आले होते.

शासनाच्या तालुकास्तरीय कबड्डी स्पर्धेत खालापूर तालुक्यातील ४५ पुरूष व महिला संघांनी विविध वयोगटात सहभागी होऊन आपल्या सांघिक खेळ कौशल्याचे प्रदर्शन केले.

स्पर्धेच्या उदघाट्न समारंभासमयी रायगड जिल्हा कबड्डी संघटनेच्या उपाध्यक्षा शिवानी जंगम, जिल्हा क्रीडाधिकारी कार्यालयाच्या वतीने तालुका क्रीडा समन्वय जगदीश मरागजे, आयोजक जितेंद्र सकपाळ, वडवळ ग्रामपंचायतीचे सरपंच ज्ञानेश्वर सुतार, गोदरेज अँड बोईसचे मॅनेजर राजेंद्र पाशीलकर, तानाजी चव्हाण, एमडी चाळके, शाळेच्या मुख्याध्यापिका वैशाली गोळे, मुख्याध्यापक राजिप शाळा वडवळ सुधाकर थळे, माजी सरपंच अनिल मरागजे आणि वडवळ ग्रामस्थांसह अनेक  कबड्डीप्रेमी उपस्थित होते.

ही स्पर्धा १४, १७ व १९ वर्ष मुले व मुली या गटात खेळविल्या गेल्या. या स्पर्धेत विजेत्या व उपविजेता संघाना भव्य ट्रॉफी देऊन गौरविण्यात आले तर  विजेत्या संघाची रायगड जिल्हास्तरीय स्पर्धेसाठी निवड झाली आहे.

* स्पर्धेचा अंतिम निकाल :- 

१४ वर्ष मुली

विजेता - जनता विद्यालय - खोपोली.

उपविजेता - जनता विद्यालय इंग्लिश मिडीयम - मोहोपाडा.

१४ वर्ष मुले

विजेता - चिलठण विद्यालय - चिलठण.

उपविजेता - सह्याद्री विद्यालय - खोपोली.

१७ वर्ष मुली 

विजेता - जनता विद्यालय - खोपोली.

उपविजेता - माध्यमिक विद्यालय - वडवळ. 

१७ वर्ष मुले

विजेता - जनता विद्यालय खोपोली

उपविजेता - चिलठण विद्यालय - चिलठण.

१९ वर्ष मुली

विजेता - जनता विद्यालय ज्युनिअर कॉलेज - खोपोली. 

उपविजेता - छत्रपती विद्यालय - वावोशी.

१९ वर्ष मुले.

विजेता - छत्रपती विद्यालय - वावोशी.

उपविजेता - जनता विद्यालय ज्युनिअर कॉलेज - खोपोली.

Post a Comment

Previous Post Next Post