* कर्जत पोलिस ठाणे आणि एम्पॉहर फाउंडेशन यांचा उपक्रम
कर्जत / प्रतिनिधी :- कर्जत पोलिस स्टेशनचे पोलिस निरीक्षक सुरेंद्र गरड यांच्या मार्गदर्शनाखाली कर्जत पोलिस आणि एम्पॉहर फाउंडेशन यांच्या संयुक्त विद्यमाने कर्जत पोलिस ठाणे हद्दीतील शालेय विद्यार्थ्यांच्या सुरक्षेच्या अनुषंगाने कर्जत महिला मंडळाच्या विद्या विकास मंदिर येथे सुरक्षित आणि असुरक्षित स्पर्श याविषयी विद्यार्थी आणि शिक्षकांसाठी कार्यशाळेचे आयोजन करण्यात आले होते.
मुलांना सुरक्षित आणि असुरक्षित स्पर्श कसे ओळखायचे, असुरक्षित स्पर्श जाणवल्यास काय करायचे तसेच कुठल्याही स्पर्शाने तुम्हाला त्रास होत असेल, अस्वस्थ किंवा बेचैन वाटत असेल तर अशा प्रसंगात NO, GO, TELL ही त्रिसूत्री वापरायची म्हणजेच असुरक्षित स्पर्श जाणवल्यास तुम्हाला तो स्पर्श आवडला नसल्याचे त्या व्यक्तीला स्पष्टपणे सांगा, तिथून निघून जा आणि विश्वासातील व्यक्तीला त्याबद्दल सांगा. यावेळी पोलगस नाईक सोनाली घोलप आणि एम्पॉहर फाउंडेशनचे अर्जुन माळगे यांनी मार्गदर्शन केले. या कार्यक्रमावेळी महिला मंडळ शाळा येथील शिक्षिका व इतर स्टाफ तसेच शाळेतील विद्यार्थी उपस्थित होते.