* कोयना प्रकल्पग्रस्तांच्या समस्यांबाबत बैठक संपन्न
कर्जत / प्रतिनिधी :- गेली अनेक वर्षे कोयना धरण प्रकल्पग्रस्त नागरिकांचा प्रश्न खितपत पडला होता. याबाबत कर्जत-खालापूर मतदार संघाचे आमदार महेंद्रशेठ थोरवे यांनी या प्रश्नाकडे लक्ष देत महाराष्ट्राचे मुख्यमंत्री एकनाथ शिंदे यांच्याकडे या समस्या सोडविण्यासाठी अथक प्रयत्न करून त्यासाठी आपण लक्ष घालावे अशी विनंती केली होती. त्याचेच फलित होवून आज विधान भवनात यासंबंधी मुख्यमंत्री एकनाथ शिंदे यांच्या नेतृत्वाखाली बैठक आयोजित करण्यात आली होती. यावेळी प्रमुख भूमिकेत आमदार महेंद्रशेठ थोरवे यांनी कोयना धरण प्रकल्पग्रस्त नागरिकांच्या समस्या मांडल्या.
या महत्त्वपूर्ण बैठकीत मुख्यमंत्री एकनाथ शिंदे यांच्यासोबत कोयना प्रकल्पग्रस्तांच्या समस्यांबाबत झालेल्या बैठकीत सर्व प्रश्न लवकरच मार्गी लावण्या संदर्भात मुख्यमंत्री महोदयांनी मुख्य सचिव व सर्व अधिकारी वर्गाला आदेश दिले आहेत. त्यामुळे लवकरच कोयना धरण प्रकल्पग्रस्त नागरिकांच्या मागण्या मान्य होण्याच्या दृष्टीने मार्ग सुकर झाला आहे. आमदार महेंद्रशेठ थोरवे यांनी या कामी महत्त्वपूर्ण कामगिरी बजावल्याने त्यांचे सर्वत्र कौतुक होत आहे.