चोपडा / महेश शिरसाठ :- तालुक्यांतील तीन जिल्हा परिषद शिक्षकांना अविष्कार सोशल अण्ड एज्युकेशनल फाउंडेशन कोल्हापूर यांच्या वतीने देण्यात येणारा या वर्षीचा लोकराजा राजर्षी शाहू गौरव राज्यस्तरीय पुरस्कार- २०२४ देण्यात आला आहे.
अविष्कार फाउंडेशनच्या वतीने प्रत्येक वर्षी सामाजिक व शैक्षणिक क्षेत्रात उल्लेखनीय कार्य करणाऱ्या व्यक्तींचा गौरव राजर्षी शाहू महाराजांच्या २६ जून जयंतीच्या निमित्ताने राष्ट्रीय व राज्यस्तर पुरस्काराच्या रूपाने सन्मानित करण्यांत येते. यावर्षी विरवाडे जि. प. शाळा मुख्याध्यापक अकबर समशेर तडवी, जि. प. शाळा न्यू प्लॉट शाळेचे मुख्याध्यापक भरत भिमराव शिरसाठ, जि. प. शाळा मुळ्यातार शाळेचे शिक्षक निवृत्ती अशोक पाटील सर हे शिक्षक सामाजिक व शैक्षणिक क्षेत्रात कार्य करीत आहेत, त्यांच्या मार्गदर्शनाखाली शैक्षणिक क्षेत्रात अनेक विद्यार्थी घडले आहेत. त्यांचा या कामगिरीचा गौरव योग्य पुरस्काराने कोल्हापूर येथे छत्रपती शाहू महाराज स्मारक सभागृहात इसरो (भारत) चे माजी अभियंता नगिनभाई प्रजापती यांच्या हस्ते व जेष्ठ लेखक कवी प्राचार्य किसनराव कुराडे यांच्या अध्यक्षतेखाली सन्मानपत्र देवून झाला. या कार्यक्रमास अविष्कार संस्थेचे अध्यक्ष संजय पवार, डॉं. एम. बी शेख, प्रकाश चौधरी, दत्तात्रय सुर्यवंशी, रंगराव सुर्यवंशी, स्नेहल खंकाळ, शशिकांत म्हेत्तर आदी उपस्थित होते.
अविष्कार संस्थेचे संस्थापक अध्यक्ष संजय पवार यांनी या तिन्ही शिक्षकांच्या कामाची दखल घेवून निवड समिती मार्फत पडताळणी करून त्यांच्या कार्याचा गौरव केला. पुरस्कार दि. ३० जून २०२४ रोजी कोल्हापूरातील लोकराजा राजर्षी शाहू महाराज स्मारक भवन येथे विशेष अतिथी व मान्यवरांच्या हस्ते प्रदान करण्यात आला. मुख्याध्यापक भरत शिरसाठ सरांना १५ राज्यस्तरीय व राष्ट्रीय पुरस्कार मिळाले आहेत, ते भारतीय बौद्ध महासभा या सामाजिक व धार्मिक संस्थेचे चोपडा शहर अध्यक्ष आहेत. शैक्षणिक कर्मचारी कास्ट्राईब संघटनेचे चोपडा तालुका अध्यक्ष सुद्धा आहेत.
लोकराजा राजर्षी शाहू गौरव राज्यस्तरीय पुरस्कार स्विकारण्यास ते व त्यांच्यासोबत निवड समिती सदस्य प्रमोद पाटील, विजय कचवे तसेच रविंद्र शिरसाठ, ऋषीकेश धनगर, शिवाजी आव्हाड, भालचंद्र ठाकरे, प्रताप पावरा, शरद पाटील आदी उपस्थित होते.