* खालापूर नगरपंचायत आयोजित स्पर्धांना उर्त्स्फूत प्रतिसाद
खालापूर / प्रतिनिधी :- महिला दिनाचे औचित्य साधत खालापूर नगरपंचायतीच्या वतीने खालापूर शहरात रांगोळी स्पर्धा व पाककला स्पर्धेचे आयोजन करण्यात आले होते. यामध्ये महिलांनी उत्स्फूर्त सहभाग घेतला होता. रांगोळी स्पर्धेत स्नेहा सुनील जगताप प्रथम तर कांचन निधी द्वितीय, दर्शना चव्हाण तृतीय क्रमांक मिळविला. पाककला स्पर्धेत सुरेखा मोरे प्रथम तर पूनम फासे द्वितीय, संस्कृती खडकबाण तृतीय क्रमांक मिळविला. यावेळी महड देवस्थान अध्यक्षा मोहिनी वैद्य यांच्या हस्ते विजेत्यांना आकर्षक बक्षिसे देत गौरविण्यात आले.
महिला दिनाचे औचित्य साधत खालापूर नगरपंचायत हद्दीतील महिलांचा यावेळी सन्मान करण्यात आला. पर्यावरणाचा संदेश देत आलेल्या सर्व महिलांना तुळशीची रोपे भेट देण्यात आली. यावेळी नगराध्यक्षा रोशना मोडवे, बांधकाम सभापती उज्ज्वला निधी, नगरसेविका लता लोते, मीनल कांबळे, मीना वाघमारे, शिवानी जंगम, सुनीता पाटील व नगर पंचायत कार्यालय अधीक्षक जितेंद्र यादव, खालापूर नगर पंचायत लेखापाल सुनील विश्वासराव, रचना सहाय्यक प्रणित भोसले, लिपिक सुवर्णा जगताप, सुधीर गायकवाड, अनिल गायकवाड, विद्या गायकवाड आदी नगर पंचायत कर्मचारी व महिला मोठ्या संख्येने उपस्थित होते.