कर्जत / प्रतिनिधी :- सामाजिक कार्यात उल्लेखनीय योगदान दिल्याबद्दल न्यूज जर्नालिस्ट असोसिएशनचे कर्जत तालुकाध्यक्ष तथा सामाजिक कार्यकर्ते पंकेश मधुकर जाधव यांना ऑंलिंपिकवीर सेंट्रल गेम्स कौन्सिल आणि आंतरराष्ट्रीय अध्यात्म परिषद यांच्या संयुक्त विद्यमाने मानद डॉंक्टरेट (Honorary Doctorate) पुरस्कार प्रदान करण्यात आला आहे.
हा प्रतिष्ठित पुरस्कार त्यांना सामाजिक सेवा, शिक्षण, आरोग्य आणि लोककल्याणासाठी केलेल्या कार्याच्या मान्यतेच्या स्वरूपात प्रदान करण्यात आला. त्यांच्या अथक प्रयत्नांमुळे समाजात सकारात्मक बदल घडवले गेले आहेत.
* पंकेश जाधव यांचे समाजकार्य :-
पंकेश जाधव यांनी शिक्षण, आरोग्य, पर्यावरण, पत्रकारिता आणि सामाजिक न्याय क्षेत्रात महत्त्वपूर्ण योगदान दिले आहे. त्यांनी विविध उपक्रम राबवले आहेत.
✔ गरीब आणि गरजू विद्यार्थ्यांना शैक्षणिक मदत
✔ मोफत आरोग्य तपासणी आणि रक्तदान शिबिरे
✔ वृक्षारोपण आणि पर्यावरण संवर्धन मोहिमा
✔ व्यसनमुक्ती आणि सामाजिक न्यायासाठी जनजागृती अभियान
* मानद डॉंक्टरेट पुरस्कारानंतरची प्रतिक्रिया :-
या सन्मानाबद्दल पंकेश जाधव यांनी आनंद व्यक्त केला आणि सांगितले की, हा पुरस्कार माझ्यासाठी अभिमानाची बाब आहे. समाजासाठी अधिक योगदान देण्याची ही प्रेरणा आहे. भविष्यातही मी गरजूंसाठी काम करत राहीन. हा पुरस्कार माझे गुरु भाऊ महाराष्ट्र रत्न अनिल मधुकर जाधव यांना समर्पित करतो.
कर्जत शहरातील सामाजिक चळवळींमध्ये त्यांनी दिलेल्या योगदानामुळे हा पुरस्कार संपूर्ण शहरासाठी अभिमानास्पद ठरला आहे. त्यांचे कार्य इतरांसाठी प्रेरणादायी असून, समाजातील अनेक तरुणांना सामाजिक सेवेकडे आकर्षित करणारे आहेत. त्यांना हा पुरस्कार जाहीर झाल्यानंतर त्यांच्यावर शुभेच्छांचा वर्षाव होत आहे. कर्जत तालुक्यातील तांबस या गावातील असलेले रहिवाशी पंकेश जाधव हे आपले मोठे बंधू सोबत लहापणापासून सामाजिक क्षेत्रात काम करीत आहे.