* साबे ग्रामस्थ दिवा यांची मागणी
ठाणे / अमित जाधव :- दिवा रेल्वे स्थानक पूर्वेकडील साबेगाव दिशेकडील रहदारीस अडथळा निर्माण करणारे काम सुरु असून रेल्वे प्रशासननाने ते तात्काळ थांबवावे, अशी मागणी दिव्यातील साबेगाव ग्रामस्थांनी केली आहे. दिवा रेल्वे स्थानक पूर्वेकडील तलावाच्या जवळ रेल्वे प्रशासनाचे पादचारी पुलाचे काम सुरु असून सदरच्या कामामुळे साबेगाव रोडवर रहदारीस अडथळा निर्माण होत असून काही जागा ही बाधित होत असल्याने सदरचे काम त्वरित थांबविण्याची मागणी दिवा आरपीएफचे वरिष्ठ पोलिस निरीक्षक गिरीशचंद्र तिवारी यांच्याकडे दिव्यातील साबेगाव ग्रामस्थ व रहिवाश्यांनी भेट घेऊन केली आहे. तसेच सदरचे काम न थांबल्यास निषेध व्यक्त करण्यासाठी सह्यांची मोहीम राबविण्यात येणार असल्याचे साबेगाव ग्रामस्थांनी स्पष्ट केले आहे.
मध्य रेल्वे प्रशासनाचे विभागीय महाव्यवस्थापक (GM) आणि विभागीय व्यवस्थापक (DRM) यांना सदर सह्यांचे निवेदन देणार असल्याची माहिती साबेगाव ग्रामस्थांनी दिली आहे. प्रसंगी शिवसेना उपशहर प्रमुख एड. आदेश भगत, मा. नगरसेवक अमर पाटील, विभाग प्रमुख निलेश पाटील व उमेश भगत, उपविभाग प्रमुख दिगंबर भोईर तसेच साबेगाव ग्रामस्थ कुणाल पाटील, प्रदीप भोईर, अंकुश मढवी, दिनेश म्हात्रे, अमित पाटील आदी ग्रामस्थ उपस्थित होते.