पुणे / प्रतिनिधी :- महाराष्ट्र प्रदेश अध्यक्ष सुभाष मालपाणी यांच्या उपस्थितीत आज अभिजीत आपटे यांची राष्ट्रवादी काँग्रेस पक्ष (अजित पवार) उद्योग विभाग प्रदेश उपाध्यक्षपदी नियुक्ती करण्यात आली.
राष्ट्रवादी काँग्रेस पार्टी उद्योग विभागातर्फे नियुक्तीपत्र देण्यात आले. महाराष्ट्र प्रदेश अध्यक्ष सुभाष मालपाणी व पश्चिम महाराष्ट्राचे श्रीकांत कदम, पश्चिम महाराष्ट्र विभागीय उपाध्यक्ष राजाराम विठ्ठलराव सातपुते, पश्चिम महाराष्ट्र विभागीय सरचिटणीस प्रवीण बाळासो जगताप यांना नियुक्तीपत्र देण्यात आले.
उद्योग विभाग पश्चिम महाराष्ट्र अध्यक्ष चैतन्य जोशी यांनी राष्ट्रवादी काँग्रेस पक्ष उद्योग विभाग कार्यपद्धती आणि ग्रामीण उद्योग विकास यावर चर्चा केली. मावळ तालुक्याचे आमदार सुनील आण्णा शेळके यांनी अभिजीत आपटे यांच्यातील नेतृत्वगुण हेरुन उद्योग विभागावर घेण्यासाठी शिफारस केली होती. अभिजीत आपटे यांचा औद्योगिक क्षेत्रातील अभ्यास, कृषी प्रक्रिया उद्योगातील सखोल ज्ञान, सरकारी अनुदान योजनांची माहिती यावरील प्रभुत्व मुलाखतीमधुन लक्षात घेऊन अभिजीत आपटे यांच्या नियुक्तीवर शिक्कामोर्तब करण्यात आले.