* शेतकरी शंकर घाडगे यांनी न्याय मिळवून देणारच - तुषार कांबळे
सातारा / प्रतिनिधी :- एका शेतकऱ्याला शेतजमीन दाखविली एक आणि विकली दुसरी...या घटनेने शेतकऱ्याची फसवणूक झाली असून शेतकऱ्याला न्याय मिळवून देण्यासाठी रिपब्लिकन पार्टी ऑफ इंडिया सरसावली असून पोलिस अधीक्षक, जिल्हाधिकारी व तहसिलदार यांच्याकडे शेतकऱ्यांची व्यथा मांडत न्यायासाठी गुहार लावण्यात आली आहे.
याबाबत सविस्तर वृत्त असे की, सातारा जिल्ह्यातील चिमणगाव येथे अन्यायकारक घटना समोर आली असून आरपीआय श्रमिक ब्रिगेड महाराष्ट्र प्रदेश सचिव तुषार तानाजी कांबळे यांनी शेतकरी शंकर घाडगे यांना न्याय देण्याकरीता सातारा जिल्हाधिकारी, सातारा जिल्हा पोलिस अधीक्षक, कोरेगाव तहसील, कोरेगाव स्थानिक पोलिस स्टेशन येथे निवेदन देण्यात आले.
दरम्यान, निवेदनात नमूद करण्यात आले आहे की, माझे परिचित शंकर बबन घाडगे (रा. चिमणगांव, ता. कोरेगांव जि. सातारा) (वय ७४ वर्षे) असून ते सध्या शेती करून स्वतःच्या कुटुंबाचा उदरनिर्वाह करीत आहेत. दरम्यान, त्यांनी संभाजी आबाजी भागडे (रा. चिमणगांव, ता. कोरेगांव जि. सातारा) (वय ४४ वर्षे) यांच्याकडून साठेखत खरेदीपत्राचा करारनामा पत्रात दर्शविल्याप्रमाणे दोन लाख पन्नास हजार रूपये दिले होते. चिमणगांव (ता. कोरेगांव) येथील जमीन मिळकत नं. ५००, फेरफार क्र. ४१४४, दि. ११ जुलै २०१६. क. ग. नं. क्षेत्र हे. आर. चौ. मी. ६.७०,०० आकार रु. पै. १७.३७ हिस्सा ५०० हिश्यातील २.०० गुंठे क्षेत्र पो. ख. ०.५१.०० एकुण ७.२१.०० याची चतु:सिमा वेगळे यांची शेत मिळकत दक्षिणेस शिवाजी आबाजी भेगडे यांचे शेत मिळकत, उत्तरेस सतीश आबाजी बेगडे यांची शेत मिळकत आहे. परंतु आज सुद्धा संभाजी आंबाजी भेगडे, पूर्वेस संभाजी आबाजी भागडे यांची शेत मिळकत, पश्चिमेस विजय बैंकठ भागडे यांची शेत मिळकत, दक्षिणेस शिवाजी आबाजी भागडे यांची शेत मिळकत. उत्तरेस सतिश आबाजी भागडे यांची शेत मिळकत घेतली आहे. परंतु संभाजी आबाजी भागडे हे व्यवहार ठरल्याप्रमाणे जागा देण्यास टाळाटाळ करीत आहेत व हस्तांतरण करून देण्यास मनाई करीत आहे. तसेच स्थानिक गावगुंड प्रवृत्तीच्या लोकांना सोबत घेऊन धनशक्ती व राजकीय ताकद वापरून घाडगे यांना त्रास देत आहेत, असे तुषार कांबळे यांनी म्हटले आहे.
तरी आपण स्वतः लक्ष घालून योग्य ती कारवाई करून शंकर बबन घाडगे यांना न्याय मिळवून देण्यात यावे विनंती करण्यात आली आहे. याप्रसंगी आरपीआय (आ) सातारा तालुका अध्यक्ष आप्पा तुपे, आरपीआय (आ) श्रमिक ब्रिगेड कोरेगांव तालुका अध्यक्ष दत्ता सावंत, संतोष घाडगे, राहूल मंगले आदी उपस्थित होते.