संरक्षण सेवेमध्ये अधिकारी होण्यासाठी युवक व युवतींसाठी ऑनलाईन अर्ज

रायगड / प्रतिनिधी :- संरक्षण सेवेमध्ये अधिकारी म्हणून महाराष्ट्रातील युवक व युवती जास्त संख्येने यावे यासाठी राज्य शासनाने छत्रपती संभाजीनगर येथे मुलांसाठी व नाशिक येथे मुलींसाठी सैनिकी सेवापूर्व शिक्षण संस्थेची स्थापना केलेली असून रायगड जिल्ह्यामधील युवक, युवतींनी या संकेतस्थळावर 28 फेब्रुवारी 2025 पूर्वी ऑनलाईन अर्ज सादर करावेत, असे आवाहन जिल्हा सैनिक कल्याण अधिकारी, रायगड-अलिबाग ले. कर्नल राहुल वैजनाथ माने (निवृत) यांनी केले आहे.  

अविवाहीत मुलगा / मुलगी,  महाराष्ट्राचे अधिवासी अधिवासी प्रमाणपत्र, जन्म तारीख 2 जानेवारी 2011 ते 1 जानेवारीच्या दरम्यान, मार्च/ एप्रिल/मे 2025 मध्ये होणाऱ्या माध्यमिक शालांत (दहावी) परीक्षेला व जून 2025 इयत्ता 11 वीमध्ये प्रवेश घेण्यासाठी पात्र असावे. इच्छुकांनी www.spiaurangabad.com या संकेतस्थळावर युवकांनी तर युवतींनी www.girlspinashik.कंपनी या संकेतस्थळावर विहित मुदतीत अर्ज सादर करावेत, असे आवाहन करण्यात आले आहे.