* झायडस कॅडीला, ब्लू क्रॉस, पिरामल हेल्थकेयर आणि ग्रुप फार्मासुटिकल्स कंपनीने घेतल्या मुलाखती
चोपडा / महेश शिरसाठ :- महात्मा गांधी शिक्षण मंडळ संचलित श्रीमती शरदचंद्रिका सुरेश पाटील कॉलेज ऑफ फार्मसी चोपडा येथे ट्रेनिंग अँड प्लेसमेंट सेल तर्फे कॅम्पस मुलाखतीचे आयोजन दि. 20 जुलै 2024 रोजी यशस्वीरित्या करण्यात आले. या कॅम्पस मुलाखती चार नामांकित कंपन्यांकडून घेण्यात आल्या असून यामध्ये झायडस कॅडीला, ब्लू क्रॉस, पिरामल हेल्थकेयर आणि ग्रुप फार्मासुटिकल्स ह्या कंपन्यांचे प्रतिनिधी उपस्थित होते. एकूण 90 विद्यार्थ्यांनी या मुलाखतीत सहभाग नोंदविला होता व त्यापैकी 44 विद्यार्थी हे विविध विभागांसाठी पात्र ठरले. त्यापैकी क्वालिटी कंट्रोल व क्वालिटी अशुरन्स या विभागासाठी 25 विद्यार्थी तर प्रोडक्शनसाठी 14 विद्यार्थी व मार्केटिंगसाठी 5 विद्यार्थ्यांची निवड करण्यात आली. विद्यार्थ्यांसाठी एवढी मोठी संधी त्यांच्या दारापर्यंत चालत आल्याने समाधानाचे वातावरण होते.
सर्व विद्यार्थ्यांचे संस्थेचे अध्यक्ष अॕड. संदीप सुरेश पाटील, सचिव डॉं. स्मिता संदीप पाटील व प्राचार्य डॉं. गौतम वडनेरे, रजिस्ट्रार प्रफुल्ल मोरे व सर्व विभाग प्रमुख यांनी कौतुक व अभिनंदन केले. कॅम्पस यशस्वीरित्या पार पाडण्यासाठी ट्रेनिंग आणि प्लेसमेंट सेलच्या मुख्य डॉं. रुपाली पाटील व प्रा. नलिनी मोरे, प्रा. आकांक्षा पाटील, प्रा. श्रेया जैन आणि सर्व शिक्षकेतर बंधूंचे सहकार्य लाभले.