* प्रदीप ठाकरे : ग्राम दैवताचा अपमान करणाऱ्या पटेल बिल्डरवर गुन्हा दाखल करण्यास दिरंगाई का?
कर्जत / प्रतिनिधी :- कर्जत तालुक्यातील वांजळे परिसरात पटेल बिल्डरने नेचर गृहप्रकल्प उभारला आहे. या गृहप्रकल्पातील सांडपाणी भैरवनाथ ग्रामदैवत ट्रस्टच्या जागेत सोडण्यात आल्याने ग्राम दैवताचा अपमान होत आहे. परंतु गेली 3-4 वर्ष याबाबत निवेदन, अर्ज करूनही ग्राम पंचायत, तहसीलदार, प्रातांधिकारी व कर्जत पोलिस प्रशासन लक्ष देत नसल्याचे दिसून येत आहे. आता ही निवेदन देण्यात आले पण अद्याप पटेल बिल्डरवर गुन्हा दाखल करण्यात आलेला नाही...ग्राम दैवताच्या जागेत येत असलेले सांडपाणी बंद करण्यात आलेले नाही. तरी ग्राम दैवताचा अपमान करणाऱ्या पटेल बिल्डरवर गुन्हा दाखल करण्यास दिरंगाई का? असा प्रश्न भैरवनाथ ग्रामदैवत ट्रस्टचे अध्यक्ष प्रदीप ठाकरे यांनी उपस्थित केला आहे.
बिल्डर गुजराथी व्यावसायिक असल्याने त्याला सर्व गुन्हे माफ आहेत का? जर याच जागी दुसरा बिल्डर असता तर हिंदुत्ववादी संघटना...हिंदु भाविक...हिंदु समाज बांधव गप्प बसले असते का? पटेल बिल्डरला हिंदु दैवताचा अपमान करण्याचा लायसन्स (परवाना) मिळालेला आहे का? कर्जत पोलिस स्टेशन हिंदु समाजाच्या धार्मिक भावना दुखाविल्याबद्दल पटेल बिल्डरवर गुन्हा दाखल करणार का? टीपी विभाग, रायगड जिल्हाधिकारी, कर्जत प्रांताधिकारी, कर्जत तहसिलदार नेचर गृहप्रकल्पाची 'एनओसी' रद्द करणार का? असा प्रश्न देखील भैरवनाथ ग्रामदैवत ट्रस्टचे अध्यक्ष प्रदीप ठाकरे यांनी उपस्थित केला आहे.
मुख्यमंत्री देवेंद्र फडणवीस यांना दिलेल्या निवेदनात नमूद करण्यात आले आहे की, अनमोल डेव्हलपर्स यांनी वांजळे येथील गट नं. 4 व 5 मध्ये "नेचर" नावाने गृहप्रकल्प उभारला आहे. या गृह प्रकल्पातील सांडपाणी व शौचालयातील पाण्याची कोणतीच व्यवस्था करण्यात आली नसल्याचे दिसून येते. तरी या गृह प्रकल्पातील सांडपाणी भैरवनाथ ग्रामदैवत ट्रस्टच्या जागेत सोडण्यात येत आहे. आम्ही या ठिकाणी भविष्यात मंदिर उभारण्याचे स्वप्न आम्ही पाहत आहोत. आमचे मंदिर एका बिल्डरमुळे अस्वच्छ सांडपाणी साचलेल्या अस्वच्छ, नापिक जमीनीत उभे राहिल का? त्याचप्रमाणे वेळीच अस्वच्छ पाणी, सांडपाणी बंद झाले नाही तर आम्ही आमच्या देवाच्या मंदिरात अस्वच्छ, घाणेरड्या, शौचालयातील सांडपाणीतून जावे, असा प्रश्न उपस्थित करण्यात आला आहे.
आमच्या धार्मिक भावना दुखाविणाऱ्या पटेल बिल्डरसह टीपी विभागातील अधिकारी व कर्मचारी तसेच रायगड जिल्हाधिकारी, कर्जत प्रांताधिकारी, कर्जत तहसिलदार व संबंधित अधिकारी व कर्मचारी यांच्यावर कारवाई करण्यात यावी, अन्यथा आम्ही हिंदु नागरीक, समाज बांधव शांत बसणार नाही. वांजळे गावासह संपूर्ण कर्जत तालुक्यात तीव्र आंदोलन छेडू. गरज पडल्यास आम्ही आमच्या धार्मिक भावना दुखाविणाऱ्या बिल्डर व शासकीय अधिकारी-कर्मचारी यांना धडा शिकविण्यास मागे-पुढे पाहणार नाही. आमच्या धर्माचा...आमच्या देव-देवतांचा अपमान रोखण्यासाठी आम्हाला जीव द्यावा लागला तरी आम्ही मागे हटणार नाही व उद्या आमच्या हातून धर्माची, धार्मिक स्थळाची, ग्राम दैवतची रक्षा करताना अघटीत घडले तर त्याला आपल्यासह संपूर्ण प्रशासन व रायगड जिल्ह्यातील सर्व संबंधित अधिकारी व कर्मचारी जबाबदार राहतील, असा इशारा देखील भैरवनाथ ग्रामदैवत ट्रस्टचे अध्यक्ष प्रदीप ठाकरे यांनी दिला आहे.