रायगड / सुधीर देशमुख :- पोलिस अधिक्षक सोमनाथ घार्गे व अपर पोलिस अधीक्षक अभिजित शिवथरे यांच्या नेतृत्वाखाली महाड एमआयडीसी पोलिस ठाणे येथे पाच पुरुष व एक महिला अशा सहा बांगलादेशी नागरिकांना ताब्यात घेऊन त्यांच्याविरूध्द गुन्हा दाखल करण्यात आला आहे.
रायगड जिल्हा हद्दीमध्ये गेल्या दोन दिवसांपासून बांगलादेशी नागरिकांचा शोध घेण्यासाठी मोहीम राबविण्यात येत आहे. त्या अनुषंगाने १२ जानेवारी २०२५ रोजी महाड एमआयडीसी पोलिसांना गोपनीय माहिती मिळाली की, मौजे पिंपळदरी मोरांडेवाडी (ता. महाड) येथे काही बांगलादेशी कामगार त्यांचे अस्तित्व लपवून अवैधरीत्या घुसखोरी करून वैध कागदपत्रांशिवाय वास्तव्य करीत आहेत. त्या अनुषंगाने महाड एमआयडीसी पोलिसांनी तपास पथक तयार करून पिंपळदरी मोरांडेवाडी येथे चंद्रकांत शिंदे यांच्या घरात छापा टाकला असता त्यामध्ये महाड एमआयडीसी पोलिसांना अवैधरीत्या वास्तव्यास असलेले 6 बांगलादेशी नागरिक मिळून आले. त्यांना पिंपळदरी मोरांडेवाडी येथून ताब्यात घेण्यात आले. या बांगलादेशी नागरिकांना पीडीआयपीएल या बांधकाम कंपनीने कामावर ठेवल्याचे निष्पन्न झाले आहे. या बांगलादेशी नागरीकांकडे पोलिसांनी बांगलादेशातून भारतात येण्याकरिता वैध प्रवासी कागदपत्राची मागणी केली असता त्या इसमांनी आमच्याकडे कोणतेही वैध कागदपत्रे नाहीत. आम्ही बांगलादेशातील गरिबी व उपासमारीस कंटाळून रोजगाराकरीता सीमेवरील गस्ती पथकाची नजर चुकवून भारतात प्रवेश केलेला आहे, असे सांगितले. या इसमांविरुद्ध महाड एमआयडीसी पोलिस ठाणे येथे गु. र. नं. ०६/२०२५ कलम ३ (१) (अ ) परकीय नागरिक आदेश १९४८, विदेशी व्यक्ती अधिनियम १९४६ चे कलम १४, पारपत्र (भारतात प्रवेश) १९५० चे कलम ३ (अ ) ६(अ ) प्रमाणे गुन्हा दाखल करण्यात आला आहे. अधिक तपास महाड एमआयडीसी पोलीस करीत आहेत.
माणिक तुफेझेल विशष (वय ३२ वर्ष) धंदा सेंट्रिंगचे काम (सध्या रा. पिंपळदरी ता. महाड जि. रायगड), मूळ रा. सुबोधपुर बडतळा बाजार, पो. ठाणे दश्शोना, जि. चौंडगा जोषारे खुलना, देश - बांगलादेश...नूर इस्माल बिस्वास उर्फ सिकंदर रोने मानेरूल खान (वय ३० वर्ष) (सध्या रा. वरंध, ता. महाड, जि. रायगड) मूळ रा. बासग्रॅम, पोलिस ठाणे कालिया, विभाग खुलना जि. नोडाई, देश बांगलादेश...सागर मिराज शेख (वय ३० वर्ष) (रा. पिंपळदरी, ता. महाड, जि. रायगड) मूळ रा. उत्तर शिंगे, पोलिस ठाणे नोडल, जि. नोडल विभाग खुलना, देश बांगलादेश...शांतु शकुरअली शेख (वय १९ वर्ष) (सध्या रा. पिंपळदरी, ता. महाड, जि. रायगड) मूळ रा. पुरुलिया, पोलीस ठाणे कालिया, जि. नाडाई विभाग खुलना, देश बांगलादेश...शिलीम हामशेर परामणी (वय ४० वर्ष) (सध्या रा. पिंपळदरी, ता. महाड जि. रायगड) मूळ रा. अब्दुलपुर ठाणे लालपुर जिल्हा नाटोर विभाग रासई देश बांगलादेश असे पाच पुरुष व एका महिलेस ताब्यात घेण्यात आले आहे. सदरची कामगिरी पोलिस अधीक्षक सोमनाथ घार्गे, अपर पोलीस अधीक्षक अभिजित शिवथरे, उपविभागीय पोलिस अधिकारी माणगांव विभाग पुष्पराज सूर्यवंशी यांच्या मार्गदर्शनाखाली महाड एमआयडीसी प्रभारी सपोनि जीवन माने, पोसई संजय मुंडे, पोसई समेळ सुर्वे. सफौ हनुमंत पवार, सफौ दीपक ढेपे, पोह राजेश गोरेगावकर, पोह चनप्पा अंबरगे, पोह सिद्धेश मोरे, पोना राजेश माने, पोना सतीश बोटे,पोना गणेश भैलुमे, पोशी सुनील पाटील, पोशी सुनील कांजर, पोशि शीतल बंडगर, पोशि निखील बळे, पोशि अमोल कुंभार, पोशि शुभम पवार, पोशि सुजील गोंधळी, पोशि सागर गुलींग, पोशि विजय दळवे, मपोशि तेजश्री भोईर यांनी गुन्हयाचे तपासात उत्कृष्ट कामगिरी केली.